غادر المصمم و”هايدي” تحملق بزوجها وقد فهمت سر غضبه الآن بعدما فاق من ثمالته الدائمة لكنها تصطنعت البرود التام ليقول بحزم وكاد صوت أن يصرخ بها:-
_ أي اللى عملتيه دا ها؟ أنتِ أتجننتي يا هايدي، دا أنا أختلفت مع محمد على 300000 وكلفه حياته تسحب 10 مليون
وقفت من مكانها بهدوء لتسير نحوه كأنها لم تفعل كارثة حتى وقفت أمامه وقالت بدلال زاد:-
_ اهدأ بس يا حبيبي عشان أفهمك
_ أي
وضعت يديها على صدره برفق وعينيها عالقة مع عينيه بنظرة ناعمة بينما شفتيها تتحدث بمكر:-
_ كان لازم أسحب مبلغ للأمان، السيد الهواري قلب علينا وورث كل حاجة لآيلا، وأمبارح أختك المصونة هجمت آيلا وأتحجزت فى المستشفي وربنا سترها، تفتكر أول خطوة البيه الكبير هيعملها أي بعد محاولة قتل آيلا؟
فكر قليلًا بهذا الحديث وهو ترمي التهمة على أخته رغم أنها من خططت ونفذت لهذا الجُرم، تحدث بقلق:-
_ هيطردنا؟
_ هيسحب مننا كل حاجة ويخلينا عبيد عن آيلا، لكن دلوقت على الأقل فى 10 مليون أتشاله فى الأمان نتسند عليهم
قالتها بدلال وكأنها تصطنع الذكاء بنجاح خطتها، هز رأسه بقلق لتتابع “هايدى”:-
_ السيد الهواري مش هيسكت، اللى عرفته أن آيلا فضلت فى غيبوبة 8 ساعات وأدم أتصاب بعد ما قتل كل المجرمين، دا جريمة هتكلفنا كتير يا محمود، مش هيكون فاضي يحاسبنا على الفلوس قد ما هيتسلي علينا بسبب اللى حصل لآيلا…