كانت سلمى تأكل وحين تكلم صابر اختنقت وأصبحت تسعل بقوة
_ كتب كتاب مين يا راجل انت بتقول ايه
_ كتب كتاب سارة ع المعلم أيوب الليلة دا جاني وقلي عاوزني اكون شاهد ع جوازهم
_نعممممممم أيوب مين … انت قصدك المعلم أيوب بتاع اللحمة الي متزوج تلاتة وعند دستة عيال
_بزبط كدة
_ انت بتقول ايه انت اتجننت يا صابر
_ بعدين مع طولة اللسان دي الي ع الصبح … دا الي انا اعرفوا
_ مستحيل دا ابوها اتجنن خالص انا لازم اعمل حاجة
انطلقت سلمى الى بيت سلمى واصبحت تطرق بقوة وتصرخ بأعلى صوتها
_ سارة افتحي الباب بسرعة افتحي
اصبحت تطرق بقوة كبيرة ، فتح الباب ليخرج والد سارة
_جرى ايه يا بت انتي حد يخبط كدة
_ بت لما تبتك راجل ناقص معندوش دم فين سارة يا راجل انت عملت فيها ايه…. انطق سارة فين
_ انت اتجننتي يا بنت انتي …. لا بقلك ايه ازا صابر معرفش يربيكي اربيكي انا
_ تربي مين يا ناقص يا حقير يا زبالة يا عرة الرجالة عايز تجوز البنت لواحد قد جدها انت اتجننت يا فوزي الكلب خرفت يا راجل علشان تعمل كدة
_ لا دا انتي عايزة رباية لمي لسانك يا سلمى وغوري من شوي وارتاحي انا هجوزها وانتي ملكيش فيه بنتي وانا حر بيها اجوزها اخللها احنطها مابيعنكيش يلا يا قطة روحي خلي حد يربيكي
قال هذا واغلق الباب وجهها ، أصبحت سلمى تصرخ بأعلى صوتها ولكن لا فائدة ،خرج صابر على صوتها العالي وحاول امساكها لتتوقف عن الصراخ
_ انت بتعملي ايه يا مجنونة هتفضحينا
_ابعد عني انت كمان … والله هفضحك يا فوزي الكلب انت والكلب أيوب