استدار جاد لصديقه وابتسم له
_ فكرتك مش هتيجي
_وليه هو كان حصل بنا حاجة لاسمح الله تمنعني اجي
نظر جاد لصديقه الذى ينظر للامام ويقف بشموخ غير مكترث لشيئ ثم نظر امامه وقال له:
_ انت اكتر واحد عارف انو مكنش قصدي ، الموقف كان صعب عليا يا ليث انت لو كنت سمعتو وهو بقول الكلام مش بعيد تكون قتلتو
استدار ليث لجاد ووقف لمواجهته فنظر له جاد ووقف امامه
_ ليه يا جاد
_ليه ايه
_ليه الموقف كان صعب عليك وليه مهتم موضوع ألمى بشكل ده
ارتبك جاد ونظر امامه للهروب من عيون صديقه التى تشبه عيون الصقر حين يكون على استعداد للقبض على فريسته .
_انت ناسي انها اختك، اخت اعز صديق ليا ، لا ده مش صديقي وبس ده اخويا الي وقت ما احتاجه بلاقيه واقف بضهري
_ههههه تصدق اقنعتني
_ انت بتضحك على ايه بزبط
_جاد انا اكتر حد فاهمك وفاهم نظراتك لألمى فمتحولش تخبي لانك مهما حاولت تخبي عيونك فضحاك ،عيونك الي بمجرد متشفها بتلمع، غير لهفتك وارتباكك الي بتحاول تخبيه لما اجيب سرتها .
كان جاد ينظر ل ليث بدهشة لم يكن يعلم بأنه مكشوف لصديقه وانه استطاع معرفة ما يكنه لأخته جمع شتات نفسه وقال دون النظر لعينيه :
_ليث … ألمى مجرد اخت صديقي , وكلامك ده مش صحيح ومتفسرش خوفي عليها حاجة تانية، لو ياسمين كانت مكنها انت هتعمل اكتر من كدة .
ابتسم ليث باستهزاء وقال :
_ ههه بقلك ايه يا جاد الكلام ده تقوله لحد غيري مش انا الي حافطك وفاهمك
_ ليث بجد كفاية خلينا نقفل الموضوع ده ارحمني بقا
نظر له ليث ورأى في عيونه أوجاع كثيرة حقآ لا يستطيع ان يفهم صديقه كيف يفكر ان كان يحبها لماذا يكابر لماذا يفعل بها هكذا , تنهد ثم قال:
_ انت حر بس حابب اقلك حاجة لما ضيع منك متجيش تعيط زي الأطفال تمام يا صحبي
ثم غمز له بعينه
_ تصدق انك واحد غليظ اوي وانا الحق عليا اتصلت بيك
_هههههههههه غليظ وتقيل دم بس مبتستغناش عني