كانت شاردة وهي تقلب بعصير الليمون الذى صنعته لصديقتها لتهدئة اعصابها بعد سماع خبر رفضها عن العمل ، تندب حظها السيئ هي ورفيقتها ، الان اصحبت هي وسلمى دون عمل يا الله اي حظ هذا ،
المصائب تتفاقم عليها وعلى سلمى دون رأفة
انهت عمل عصير الليمون واتجهت لسلمى التى كانت بعالم اخر وضعت يدها على كتفها وقالت :
_خدي يا حبيبتي اشربي اللمون ده علشان تروقي
ابتسمت لها سلمى وقالت :
_تسلم ايدك
_خلاص بقا يا سلمى، مش متعودة عليكي كدة ، فين سلمى المتفائلة البشوشة الي ضحكتها من الدان لدان
_آآه يا سارة الهم الي أنا فيه كبير اوي انا تعبت مش عارفة ألاقيها منين ولا منين
_ هتفرج ان شاء الله انتي مش دايمن بتقوليلي ارمي حملك على ربنا ، خلاص بقا ابتسمي مش متعودة ع الوش المكشر ده
أبتسمت لها سلمى وقالت :
_ ونعم بالله
قاطعهم جرس الباب لتذهب سارة لتفتح ليدخل ذلك الشاب المرح
_ مسا مسا ع الناس الحلوة
_تعال يا أيمن قلي عملت ايه
_عملت الي قلتيلي عليه يا أبلة ، رحت المطعم الحلو الي قلتيلي عليه وطلبت عصير ووقعتو وفضلت أصرخ على البت الي جبتهولي وطلبت صاحب المطعم
سارة بتوتر وترقب
_ ها طمني ياأيمن قبلتو
_ أيوة قبلتو شخص مش بنطاق الصراحة ،روحوا بمناخيروا والظاهر عامل حادث براسو مخليه ملكد ومش طايق حد
_مي ايه يا خويا
_ملكد يا أبلة يعني مزاجعوا معكر
_ انت متأكد الي شفتو هو صاحب المطعم يا أيمن
_ أيوة يا أبلة متأكد من كدة
_ خلاص متشكرة يا أيمن جميلك ده مش هنسهولك اياه أبدآ
ابتسم لها أيمن وقال:
_عيب كدة يا أبلة احنا أهل اي حاجة عوزاها شاوري وايمن ينفد
_ تكشر يا أيمن ابقى سلملي على ممتك
_ يوصل يا أبلة يلا بقا أروح أنا أشوف شغلي سلامو عليكوا
غادر أيمن المنزل واتجهت سارة لتجلس بجانب سلمى
_ يعني هو عايش
_ ايوة يا بنتي انتي مش سمعتيه بقول انو كان لفافف راسو ، دي أكيد من اثر الضربة بتعتك
_ معقول الأمور عدت على خير من غير مشاكل ، انا خفت يقدم شكوة واروح انا في داهية
_ خلاص بقى يا بنتي الأشكال دي جبانة وهو خاف على سمعت مطعمو من الفضايح ، انسي خلينا نركز بالهم الأكبر
_هم ايه ده
_يا خرابي ركزي معايا الهي يسترك ، انا وانتي عاطلين عن العمل يا أختي يعني شغل بح هنعمل ايه بالمصيبة دي
_انتي تخف رجلك الأول بعدين نشوف موضوع الشغل
_ آه يا سارة الدنيا دي منيلة بستين نيلة
ضحكت عليها سارة وقالت :
_هههه حتى وانتي ملكدة ع قولة أيمن دمك خفيف
_اضحكي يختي اضحكي الي يشوفك يقول مورناش حاجة
_ ان شاء الله تتحل
ابتسمت لها سلمى وقالت لها :
_ان شاء الله يا سارة
***********************
(بقلمي الشيماء)