**************************
( بقلمي الشيماء )
بعد ثلاثة أيام
خرجت سلمى من السيارة واتجهت لباب السيارة الاخر وفتحته وساعدت سارة من الخروج
اقتربت ألمى منها وقالت
_ ها انتي هترجعيها تاني لباباها
_ لا طبعآ انا هخدها عندي البيت ومش هسمح لحد يقرب منها
_ تمام كدة
_ متشكرة جدآ يا ألمى تعبناكي معانا اوي
_ بعدين بقا …. يلا خلينا نطلع لفوق ولا انتي مش مش هطلعيني بيتك
_ يا خبر … دا انتي تنوري والله … يلا بينا
صعدت الفتيات لأعلى فتحت سلمى بابا بيتها وأصبحت تنادي
_ حياة انتي فين انا جيت
خرجت حياة من احدى الغرف عندما سمعت صوت اختها
_ أبلة سلمى وحشتيني
_وانتي يا حبيبتي … هاي عملتي الي قلتلك عليه
_ تقلقيش يا أبلة انا جهزت الغرفة
_ تسلميلي يا قلبي
اتجهت سلمى للغرفة هي وألمى ووضعت سارة التى ما زالت على حالتها على السرير لتنام وتستريح بعدما تأكدت انها بخير خرجوا من الغرفة
_ واخيرآ ارجعنا البيت ، صحيح نسيت اعرفك
ألمى دي اختي الصغيرة حياة
_ دي جميلة جدآ .. اي الحلاوة دي
خجلت حياة وقالت
_ متشكرة جدآ
_ ههههههه انت اتكسفتي هههه سبحان الله مين يصدق انها اختك يا سلمى
سلمى بعد ما رفعت حاجبها
_ تقصدي ايه يختي
_ ههههههههههه شفتي اتحولتي ازاي ههههه اهدي بهزر والله
_ والله !!!!
_ خلاص بقا … بقلك ايه انا هروح بشوفك بعدين تمام … سلام بقا
_ سلام … ان انشاء الله هرجع الشركة من بكرة
_ مفيش داعي لما ترتاحي شوية
_ انا كويسة مينفعش انا بقالي 5 ايام بجيش
_ خلاص براحتك اسبكوا بقا سلام يا حياة فرصة سعيدة يا عسل
اتجهت المى لفتح الباب فانصدمت بصابر
_ أسفة مخدتش بالي
نظر لها صابر نظرات خبيثة .. تدخلت سلمى وقالت معلش دا صابر ابو حياة
_ تشرفنا …. عن اذنكوا انا اتأخرت ولازم اتحرك سلام
_ بشوفك بكرة بشركة سلام
خرجت سلمى من البيت اما صابر ظل ينظر لاثرها
_ احمم مين البت دي
_ دي ألمى
_اه قصدك الي بتشتغلي عندها
_ ايوة هي …
_ دالعز واضح عليها اوي
_ خير يا صابر راجع من شغلك بدري مش عاويدك
_ هاااااا اصلي جيت اطمن على سارة ….قليلي عملتي ايه بموضوعها
_ هعمل ايه يعني جبتها عندي
_عندك فين
_ عندي هنا بالبيت … متركز يا صابر
_ نعم وتجيبها هنا ليه مترجع عند زوجها ولا حتى عند ابوها
_ سارة مش هترجع عند حد هي هتفضل هنا يا صابر عندك مانع
_ يعني ايه ؟؟
_ بقلك ايه يا صابر البيت وبيتي وسارة هتفضل هنا خلص الكلام ….ع دماغي وجعاني ومش حمل صداع
قالت كلامها ثم اتجهت لغرفة سارة فهي ليست بحالة جيدة لتغوض معه بالحديث نظر صابر لاثرها وقال بغضب :
_ ماشي يا سلمى
خرج من البيت واتجه لصديقه
_ ها يا صابر عملت ايه
_ هكون عملت ايه
_ يعني ايه
_ بقلك ايه يا حمدي انسى الي بتفكر بيه
_ ليه بس دا احنا هنكسب مكسب ولا ايتها مكسب
_ سلمى مش معطياني فرصة اسأل عن اي حاجة
_ وانت رايح لبنتك سلمى دي
_مش فاهم وازاي هنصل للبنت صحبتها
_اسمعي يا صابر وركز … انا عيزك اول حاجة تعملها تجبلي رقم تلفونها وبعدين سيب الباقي عليا
_ بقلك ايه البت دي بنت ناس ابهة اوي …..الناس دي طايلة وممكن نروح فيها
_ متقلقش محدش هيشك فينا خالص .. انت بس حاول تجيب رقم تلفونها
_ هحاول يا خوي هشوف اخرتها ايه
ابتسم صديقة بشر وقال
_ متقلقش نهايتها كل خير … بس انت تنفذ الي هقلك عليه
_ وانت عاوزني اعمل ايه
_ ركز معي واسمع ……………..