**************************”
( بقلمي الشيماء )
كانت تقلب احدى مجلات الموضة بملل فقررت الخروج لترى فريدة … كانت فريدة كعادتها تجلس في شرفتها المفضلة تشرب قهوتها اقتربت منها وقالت
_ مسا الخير
_ ندي فينك يا بنتي
جلست ندي بالكرسي المقابل لها
_موجودة هكون فين يعني … هو ليث وألمى مروحوش
_ ليث اليوم عند اجتماع مهم فهيتأخر شوية والمى اكيد معاه …. ها قليلي انتي هتفضلي قاعدة البيت من غير شغل
_ ممم انتي عارفة اني خلصت الشغل الي جيت علشانو وبابا بتصل بيا وبقولي لازم ارجع ملوش لازمة وجودي هنا
_ لا لا لا … تنزلي فين انتي هتفضلي هنا
_ بس يا فريدة هانم انا زهقت ومفيش حاجة اعملها
_ خلاص اتحلت انتي تشتغلي مع ليث وألمى
_ اشتغل بالشركة !؟!
_ أيوة تشتغلي وبكدا تقدري تقربي من ليث اكتر يعني هتكوني معاه بالبيت والشركة
_ مش عارفة والله … هو ليث ممكن يوافق
_ تقلقيش خلي الموضوع دا عليا
قاطعتهم الخادمة
_ فريدة هانم في تلفون علشانك
انا هقوم اشوف التلفون وانتي فكري بالي قلتهولك
غادرت فريدة وبقيت ندى جالسة تفكر بمووضوع عملها مع ليث فهي الطريقة الوحيدة لتبقى بجانبه اكثر وقت ممكن فهي منذ اخر لقاء بينهم لم تراه
***** فلاش باك *****
كانت تجلس امام بركة المياه تنظر لها بشرود قاطع خلوتها ليث
_ تسمحيلي اقعد
_ أكيد البيت بيتك
جلس ليث امامها وتنهد وقال:
_ ندى انا جاي اعتذر ليكي .. انا ماكنتش اقصد اني اطردك من المكتب بس انتي عصبتيني وانت اكتر واحدة عارفة اني بحبش حد يدخل بشغلي
_انا اسفة مكنش قصدي اتحكم بيك وبقراراتك بس انا اتعصبت من البنت الي كانت عندك لسانها طويل اوي
ابتسم ليث لها وقال :
_ لسانها طويل بس جدعة
_ نعم !!!
_ ما تخديش ببالك … انا هقوم عندي شغل بشوفك بعدين سلام بقا
انطلق ليث ليغادر تارك ندى تنظر له بريبة