*********************
( بقلمي الشيماء
)
كان يساعدها بتناول الطعام .. تنظر له بسعادة كبيرة
فاخاها دايمآ ما يشعرها بأنها اغلى ما يملك
_ ليث انا شبعت
_ انتي لحقتي !! انتي مكلتيش حاجة
_ بس انا مش هقدر اكل اكتر من كدة
_ خلاص يا حبيبتي بس كمان ساعة هتشربي العصير
ابتسمت له وقالت :
_ ليث ممكن اطلب منك طلب
_ انتي تؤمري امر يا اميرتي
_ انا عايزة أشوف سلمى
_سلمى ؟!؟
_ في ايه مالك مستغرب .. هو في حاجة حصلت انا معرفهاش
_ مفيش حاجة يا ألمى انا مستغرب بس
المى بانفعال
_ ليث في ايه قولي … انت مخبي عني ايه
_ في ايه مالك اهدي يا حبيبتي انتي تعبانة الانفعال مش كويس علشانك
_ طيب قولي في ايه
تنهد بقوة وقال:
_ هقلك
اخبر ليث كل شيئ لألمى عدا ما فعله بسلمى وانها زوجته فغضبت بشدة وقالت:
_ وانت صدقت بسهولة دي يا ليث … سلمى ما بتكرهش في حياتها قد جوز امها وان كانت عايشة معاه فدا علشان خاطر اختها حياة سلمى مش ممكن تعمل بيا كدا
_ انتي ازاي عرفتي انو صابر مش ابوها
_ هي قالتلي … ليث صدقني سلمى ملهاش اي دخل متحملهاش غلطة جوز امها
_ مش يمكن بتكذب عليكي … وعملت كدا علشان تقرب منك
_ احسبها انت وقلي .. ازا كانت بنتو بجد ليه يهرب وميخدهاش .. وهو عارف انو لو هي اتمسكت انت مش هتسبها وهتأذيها .. صدقني يا ليث هي ملهاش دخل باي حاجة
_ انتي عاوزة ايه يا سلمى
_ انا عاوزة أشوفها ارجوك
_ تمام انا هجبها ليكي ، خلاص كدا
_ربنا ما يحرمني منك يا احن اخ بالدنيا كلها
_ لدرجادي بتحبيها
_سلمى طيبة اوي يا ليث ومش هتلاقي اجدع منها صدقني
_ ارتاحي انتي دلوقتي وانا هشوف الموضوع