*************************
( بقلمي الشيماء 
)
كان ممسك بيدها ويتأملها مبتسمآ لم يصدق بانها استيقضت … يشعر بأن الحياة عادت اليه من جديد
_ انت هتفضل باصصلي كدا كتير
_ ودا مضايقك بحاجة
_ وحشتني اوي يا ليث… وحشني كلامك و عصبيتك وحشني كل حاجة بيك
قاطع حديثهم دخول فريدة وندى الغرفة
_ ألمى حبيبتي
اتجهت فريدة لتحتضن سلمى بحب
_ حمدالله على سلامتك يا حبيبتي .. واخيرآ يا ألمى ياااه يا ألمى وحشتيني اوي يا قلبي
_ هو انا بقالي نايمة قد ايه .. كلكوا مبسوطين
_ حمدالله على سلامتك يا المى
ابتسمت ألم بتعب وقالت :
_ الله يسلمك يا ندى
_ ايه يا جماعة بشويش عليها هي مش حملكوا
_ انت بتهزر يا ليث احنا ما صدقنا انها فاقت ..قليلي يا قلبي انتي كويسة
_ انا كويسة يا فريدة هانم ما تقلقيش
_ وحشتني كلمة فريدة هانم من لسانك يا قلبي .. قليلي يا ألمى انت تعرفي مين الي عمل بكي كدا
_ تيتة هو دا وقتو دي فاقت النهاردة
_ احنا لازم نعرف مين الي عمل بيها كدا يا ليث ولا انت هتسكت للي عمل بيها كدة … الي عمل بحفيدتي كدا لازم يتعاقب اشد عقاب
بعد كلام فريدة بدأت ألمى تتذكر ما حدث معها وما مرت به وهذا اتعبها بشدة ، لاحظ ليث حالها واقترب منها
_ ألمى انتي كويسة يا حبيبتي
_ انا كويسة ما تقلقش يا حبيبي شوية تعب بسيط
في هذه الاثناء دخل الطبيب
_ مسا الخير
_ دكتور انا كنت لسى هندهلك ألمى تعبانة أوي
_ ليث انا كويسة متقلقش
فحصها الطبيب تحت اعين ليث القلقة
_ متقلقوش يا جماعة صحتها كويسة والتعب دا طبيعي لحلتها متنسوش انها كانت بغيبوبة لفترة
_ شكرا يا دكتور
غادر الطبيب الغرفة نظر ليث لجدته وندى وقال
_ وانتو يا جماعة لازم تروحوا
_ انت بتقول ايه ليث انا مش ممكن اسيبها لوحدها
_ تيتة ألمى لازم ترتاح وجودنا حواليها بتعبها وما تقلقيش انا هفضل جنبها
_ ليث عندو حق يا فريدة هانم وجودنا ملوش فايدة
اقتربت فريدة من ألمى وقبلتها من جبينها وقالت:
_ خلي بالك من نفسك يا ألبي .. البيت من غيرك وحش أوي يا ألمى ارجعيلنا بسرعة يا قلبي
_ ان شاء الله يا تيتة بس من غير عياط علشان خاطري
_ يلا يا ندى
غادرت ندى وفريدة المكان وبقى ليث مع ألمى
_ يلا يا حبيبتي نامي وارتاحي
_ انت هتفضل جنبي
ابتسم لها ليث
_ مش هسيبك يلا نامي