يدخل خلفه جلال ويقول بغضب.اخلص يالا البنت كانت بتهبب ايه هنا
موسي بغضب وصوت عالي.والله روح اسأل اخوك ال$$$$ قوله مراتك كانت بتعمل ايه في شقه ابن عمك اه وتبقى تقوله ازاي رجولته زقتك ترمي مراتك بره شقتها في نص الليل وهي بلبس زي الزفت
ينفخ جلال بقوه ويقول بهدوء مصطنع.انت ليه مش فاهم انك انت مينفعش تدخل في اي حاجه تخص غرام مينفعش انت بتزود الطينه بله بالشكل ده
موسي بغضب وصوت عالي بشده.طيب يا عم جلال انا مش هتكلم ولا هدخل في اي حاجه اتصرف انت شوف حل في اخوك ال$$$$ ده شوف هتعمل ايه بس انكم تركبوا قرون وتسيبها البنت كده فده ولا يرضى رب ولا عبد
جلال بصوت عالي.راجل و مراته انهارده اتخانقوا بكره زي السمن علي العسل وانا لو دخلت بينهم هبقى ابن الكلب اعمل ايه في الحال ده
يا معلم
موسي بغضب شديد.سيب بنت عمك ال$$$$$ يبيع ويشتري فيها يا جلال سكاتكم علي القرف ده خلى جاسم يتمادى مع البنت لما لقى مفيش حد هيوقف في وشه ركب ودلدل رجليه دي بنت عمك يتيمه ولا ليها اب ولا ام يوقفوا في وش اخوك ربنا هيحاسبني عليها يا عم
جلال بهدوء.اهدى يا موسى اهدى علشان الكلام ميروحش في حته بعيده
موسي بصوت عالي.انت اللي دماغك بايظه يا جلال اللي بيحصل ده لو وكان بيحصل مع مسك بنت عمتي كنت عملت كده واكتر واخوك لو فكر يعمل حاجه في البنت دي تاني وعرش ربنا ما حد هيقفله غيري وهطلع ميتين امه و ده مش علشان البنت لا علشان عصام عمي الله يرحمه يستاهل اني ادافع عن بنته اليتيمه اللي ولا ليها حول ولا قوه وانتوا اتهونتوا فيها يا جلال آخر الموضوع ده طالما انت مش عايز تدخل في الموضوع ده فانا مش هرضي بالظلم