يقطع حديثها مروان التي قال.ما كفايه ياما حرام عليكي الدعاوي دول كلهم هي كانت مسكت ايد ابنك وقالتله يمشي ما هو اللي سابنا وخلع وبعدين بلاش تتضغطي علي نفسك بدل ما ضغطك يترفع تاني وانا مش هفضل ادفع في فلوس محاليل ملح حرام عليكي انا معيش فلوس
تضحك بسمه بخفه وتقول.معفن من يومك يا مروان ابوك وامك الجنيه
مروان بمرح.وخالي وعمي وحياتك
صفاء بغيظ.خلصت يلا انت وامك وصلة النتانه يلا بينا نمشي انا سايبه بنتي لوحدها
مروان.اوعي تكوني نسيتي تعملي ليها الرضعه يا صفصف
صفاء.انا هسيب ردي عليك بكره علشان انا مفيش دماغ ارد علي اشكالك اللوكل
مروان بصوت عالي.ايوووووه صفصف عرفت كلام الكبر وبقت تقصف جبهه ايوه يا صفصف يا جامده
صفاء.دي امك الجامده يا روح صفصف
كان مروان ان يتحدث ولكن يقول جلال ببرود.كفايه لعب العيال ويلا من المستشفى
ينهضون الجميع ويذهبون الي خارج المستشفى ويصلون المنزل بعد فتره تدخل بسمه الي شقتها لتنزل غرام تنظر إلى مروان وتقول.هي عامله ايه
مروان. ما تخافيش يا بطتي زي الفل اطلعي انتي نامي علشان تعرفي تصحي الصبح
غرام بحنان.مروان انت فيك حاجه يا حبيبي مالك وشك مش مطمني
مروان.لا يا بت انا زي القمر اهو اطلعي انتي بدل الواقفه دي يلا تصبح على خير