كانت تتحدث وهي لا تعطي الي عمتها فرصة لكي تتحدث لتقول مسك بهدوء.اهدي يا غرام مفيش حاجه حصلت و موسى كويس متخافيش يا حبيبتي
تبكي غرام بحرقه شديده لتضمها عمتها بقوه وتقول.بس يا حبيبتي بس خلاص متعبتيش من العياط من يوم ما اتجوزتي اللي ما يتسمى و عينك ما نشفتش حرام عليكي نفسك يا ضنايا
غرام بدموع وجع شديد.بموت يا عمتو بموت ليه انا اللي يحصل معايا كده ليه جاسم مش هيتغير يا عمتو مش هيتغير انا ضيعت معاه عمري كل تعبي راح علي الفاضي كل اللي عملته علشان جاسم يتغير طلع علي مفيش انا خسرت خسرت نفسي قبل ما اخسر جاسم خسرت عمري اللي ضاع علي الفاضي خسرت روحي خسرت كل حاجه فيا يا عمتو ااااه قلبي وجعني روحي بتنسحب مني جاسم مش عاوزني حب ده عايز يذلني عملت ايه علشان يكرهني كده عملتله ايه
صفاء بغضب.لا بقولك ايه مش هتفضلي تندبي حظك الباقي من عمرك قومي كده شوفي نفسك يغور ابن سعاد مش اخر راجل في الدنيا وحرام اصلا يتقال عليه راجل ده راجل علي ما تفرج قومي يا بت قومي لسه قدامك العمر طويل يمشي جاسم يجي الف احسن منه فوقي لنفسك يا غرام
غرام بضعف شديد.مش قادره يا عمتي مش قادره الدنيا سوده قدام عيني مش عارفه اعمل ايه ولو اطلقت هيعيش ازاي