غرام بغضب.انا لسه صغيره و عاوزه اكمل تعليمي
ام غرام.كنت اصغر منك و انتي علي دراعي يا غرام وانا قولت لجاسم انك تكملي تعليمك لحد ما انتي تقولي مش عاوزه ايه كمان
غرام بغضب شديد.مش عاوزه يا ماما موسى بيقول عليه حاجات وحشه وانا مش بحبه
ام غرام بصوت عالي.قولتك مليكش دعوه بموسي هو بيقولك كده علشان تفضلي مستنياه اسمعي من امك موسى بيوحش صورة جاسم في عينك علشان ميبقاش قدامك غيره وتفضلي مستنيه وهو ولا سنه ولا اتنين يكفوه علشان يخلص دنيته وغير كده انا لو قطعتيني مش هقبل اجوزك المعلم حتي لو هموت يا غرام مش هرميكي ليه يبهدل فيكي
غرام بغضب.ماما انتي مش فاهمه حاجه اللي بوشين بجد هو جاسم و سعاد مش موسى
ام غرام بصوت عالي.والله بتقولي الكلام ده ولا كأنك شوفتي بسمه قالت عليا ايه شوفتيها قالت ايه علي امك شوفتيها عملت ايه فيا بصي يا غرام لو انتي هتتنازلي علي كرامة امك فأمك مش هتسيب حقها هقولك الكلمتين دول وهما اللي هيحددوا اذا كنتي بنت امك ولا بنت موسى انا قولت كلمه لجاسم انك هتجوزها وانا شايفه مناسب ليكي شقته جاهزه و شغال شغل حلو مش زي اللي ماسك وارشه ولسه بيبدا في حياته وعاوز ياخدك علشان تتمرمطي معاه رايك ايه