سعاد بغل.صباح الخير يا حبيبتي ابني فين
ليلي بهدوء.نايم جوه عاوزاه اصحيه
سعاد.لا ياختي سيبه نايم تلاقيه تعبان وطلع عينه علشانك انتي و بناتك
ليلي ببرود.انا مراته و بناتي بناته يعني مش تعبان علشان حد غريب يا حماتي
سعاد بسخريه.مراته و بناته طب اتنيلي وتبقي تروحي تشوفي دكتوره علشان تحملي يمكن تجيبي الواد الي جلال يشيل إسمه مش خلفت البنات اللي انتي جيباهم ولا وكمان في بطن واحده منك لله يا بعيده ابني يجيب من فين يصرف عليكي انتي وبناتك ولا وكلهم كام سنه و عاوزين جهاز و مصاريف قد كده انتي لو عندك دم توقفي تعليمهم من دلوقتي و فلوس الحضانه و غيرو تجهزيهم بيهم بدل المصاريف اللي تقطم ضهر ابني ده حتي حته ولد يسند ابني مش عارفه تجيبي
ليلي بصوت عالي.حماتي الكلام ده ملهوش لازمه و بناتي يعرفوا يسندوني انا وابوهم زيهم زي الف ولد و تفكيرك ده بقي متخلف اوي ومحدش بيفكر كده دلوقتي
سعاد بغضب شديد.انا تفكيري متخلف يا قليله الادب جلال قوم يا جلال تعال شوف مراتك اللي بتغلط في امك
ليلي بغضب شديد.بقولك ايه يا وليه انا جبت اخري منك خلاص لما كنتي بتيجي عليا كنت بقول تمام ست كبيره بس هتيجي علي بناتي ده اللي عمري ما هسمح بيه انتي تمشي تطلعي بره و طول ما انا هنا مشوفكيش اللي ميحطش بناتي كحل في عينه محطهوش انا تراب تحت رجلي بره يا سعاد بره