قبل هذا الوقت بقليلا تفتح عيونها عليه وهو يقول لها.قومي يا هانم هتفضلي نايمه كتير
تنظر اليه غرام وتقول بنعاس.قومت يا جاسم قومت
وتكمل بهمس.ربنا ياخدني يا شيخ
تنهض غرام وتذهب الي الحمام وتخرج منه تنظر إلى جاسم الذي يجلس وهو يشرب من (الشيشه) لتقول بصوت عالي.جاسم انا قولت الف مره بلاش البتاع دي هنا انت بتولع في السجاده حرام عليك
جاسم ببرود.والله بيتي و اعمل فيه اللي انا عاوزه
غرام.طيب كويس انك عارف ان ده بيتك
جاسم بغضب.بترمي علي ايه يا بت
غرام ببرود.ولا برمي ولا زفت الفحم لو وقع علي السجاده انا مش هجيب واحده غيرها و صح عملت ايه في الشغل اللي كنت هتشتغله
جاسم بتوتر.محدش قبل بيا وبعدين ما انتي شغلك بيجيب كويس مش لازم اروح اشتغل مع اللي يسوا واللي ميسواش
غرام بغضب.لا ما خلاص انا اخري معاك لاخر الشهر ده خلاص تعبت ما بقتش قادره علي الهم ده لوحدي يا تشتغل وتسند معايا يا نقعد احنا الاتنين و نشوف حد تالت يصرف علينا بس اني اشتغل واستحمل الاهانه من خلف الله فحرام انت قاعد هنا وانا طالع عين اهلي وكل واحده تبيع وتشتري فيا
جاسم بغضب شديد.انتي هتشوفي نفسك عليا يا غرام ايه نسيتي ان انا اللي مستحملك ومستحمل انك عقم و مش راضي اقول انك علي رأي امي ارض بور ومش عارفه تجبيلي حته عيل قصر الموضوع ده انتي مش بتعملي حاجه زيادة عن اللي المفروض تعمله في ستات بتشتغل وبتربي عيالها و مخليه جوزها مبسوط مش زيك انتي