هز رأسه بهدوء وبتأني يخبرها
“مش هاينفع دلوقتي، لازم أظبط أموري الأول، خلاص السفر الأسبوع الجاي مضمون”
عبست وزمت شفتيها بعناد
“مش هاينفع ليه؟!، احنا هنسافر على طيارتنا الخاصة، مش مقيدين بحجز، بقولك يا حبيبي دي صفقة العمر، اسم البراند بتاعي لما يقترن باسمهم هاينقل شركتي لمستوى تاني خالص”
ربت على كتفها بحنان
“عارف يا روحي، بس عايزك تصبري كام يوم، فيه مناسبة عائلية قريب، هنحضرها، وبعدها نسافر علي إيطاليا”
رفعت حاجبيها بتعجب
“مناسبة عائلية!، يوسف وعلياء اتصالحوا؟”
هز رأسه بالنفي، فسألته بفضول
“أومال إيه هي المناسبة؟”
ابتسم وهو يختفي بهدوء إلي غرفة الثياب
“ده مفاجأة هتعرفيها يومها لما نروح القصر”
توجهت هي خلفه، لتجده يخلع سترة البدلة ويفك ربطة عنقه، وكاد أن يبدأ بفك أزرار قميصه، أسرعت هي بدلًا منه، تفك الأزرار بتؤدة ودلال
“قيصو يا حبيب قلبي، مش هتقوللي إيه هي المفاجأة؟”
رمقته بنظرة مليئة بالإغراء، حتى انتهت من فك جميع الأزرار وخلعت له القميص، فانحنى مبتسمًا بمكر وأمسك كتفيها، اقترب من أذنها بشفتيه يهمس بنبرة تبعث قشعريرة في جسدها
“لو عايزة تعرفي المفاجأة، اجتهدي شوية”
عاد معتدلًا أمامها، وغمز لها بعينه، فتدركت مغزى مطلبه، وابتسمت بخفة وعيون تلمع، جلست على مقعد جلدي عينيها تتأمله، كل حركة له تحمل ثقلاً من الإغراء والرجولة، والجاذبية التي لا تقاوم.