“صباح إيه بس؟، إحنا داخلين على العصر يا باشمهندس، وإديني أول يوم شغل راح عليا بسببك!”
اعتدل في جلسته، ثم مد ذراعه مشيرًا إليها أن تقترب.
ترددت لحظة، قبل أن تستجيب، فجلست فوق فخذيه، ليضم خصرها بذراعيه، ويقرب جسدها من جسده حتى تلاصقا، واخبرها بمكر
“مين قالك إن أول يوم شغل ليكي ضاع؟ مش انتي السكرتيرة الخاصة بتاعتي؟”
“المفروض”
ابتسم ابتسامة ذات مغزى، واقترب بوجهه منها أكثر
“ومن واجب السكرتيرة تدلع مديرها… ومديرك بيقولك عايز من دلع امبارح على طول”
رفعت يديها وأمسكت بخديه بين أناملها، وقالت وهي تحاول التماسك
“مش هاينفع يا حضرة المدير، إنت فضلت مخلينا سهرانين لحد الفجر، والنتيجة صحينا متأخر، وكان نفسي أصحى بدري علشان ألحق أروح أول يوم شغل في ميعادي مظبوط”
رفع حاجبه مبتسمًا، واخبرها بمرح و جدية
“هو انتى صدقتي بجد حوار إني هاشغلك معايا؟”
رمقته بحدة ممزوجة بالدهشة
“يعني كنت بتضحك عليا؟!”
“يا حبيبتي، أنا بيدخلي يوميًا رجالة كتير، سواء موظفين في الشركة أو نواب شركات تانية بينا وبينهم شغل ورجال أعمال، وأنا بصراحة مش هاسمح مراتي تتعامل مع رجالة ولا حد يبصلك، وطالما الحمد لله ربنا كارمنا وفاتحها علينا، مالوش لازمة التعب، أنا عايزك معززة مكرّمة، وأي حاجة إنتِ عايزاها هاتيها، ومعاكي الكريدت، اصرفي منها براحتك”