“ساكته ليه؟”
منعت دموعها عن الانهمار، لكن قلبها يصر على التعبير، فألح عليها
“اتكلمي… في إيه؟”
تنفست بعمق، وأجابت بعد صراع داخلي واضح
“مش هاينفع… مش هاينفع نتجوز”
أغلق العلبة بإحكام، وأعادها إلى جيبه، وسألها بحدة
“مش هاينفع نتجوز ليه؟، مخبية عني إيه؟”
ظلت صامتة، مما أشعل غضبه، فقبض على بعضديها وهزها بعنف
“ما تنطقي!”
فأجابته ببرود قاتل
“أسباب خاصة… مش هقدر أقولها”
ارتفع صوته قائلاً
“أسباب إيه؟!، أنتي مش لاقية حاجة تقوليها؟!”
ترددت مجددًا
“مش هقدر أقول…”
همت بالمغادرة، فقبض على ساعدها بقوة
“أنتي رايحة فين؟! مش هاتمشي غير لما تتكلمي”
تلك اللحظة، ألقت عليه كلمات حاسمة، تجرحه أكثر
“مش معني إن قولتلك بحبك يبقى نتجوز”
توتر وتلعثم
“يعني إيه؟!، كنتي عايزانا نعيش مع بعض من غير جواز؟!، اللي فهمته ده صح ولا أنا فهمت غلط؟”
استجمعت قواها، وأظهرت له قوة مصطنعة، لتكذب عليه ببرود
“اللي فهمته صح، وفيها إيه لما نعيش من غير جواز أو مسئولية؟”
حدق بها بازدراء، غير مصدق ما تسمعه
“أكيد بتكدبي… أو عاملة فيا مقلب”
ردت بنبرة مختلطة بين الصراحة والدفاع عن نفسها
“وهكدب ليه؟، المفروض أنت تفرح بحاجة زي كده”
صرخ بها، صوته يعلو بغضب ممزوج بالخذلان