“عشم إبليس في الجنة، مش راجعة يا يوسف، وهقولك لو خيروني ما بين جهنم ولا الجنة معاك، هختار جهنم ولا يجمعني مكان معاك تاني، شوفت بقى إنت وصلتني لإيه؟!”
لم يتراجع، بل جذبها من ذراعها وقال بتحدي سافر
“كدابة، عيونك بتقول عكس كلامك، إحنا حصل ما بينا زمان أسوأ من كده، ومع ذلك فضلتي تحبيني سنين، وما عرفتيش تبقي لغيري، لحد ما جمعنا القدر من تاني”
صرخت في وجهه بندم لاذع، كأنها تحاكم ذاتها قبل أن تحاكمه
“كنت غبية ومتخلفة، عيشت في وهم وصدقته، طلعِت عمية، ومع الوقت عرفت الحقيقة، وهي إن أكبر غلطة في حياتي يوم ما وافقت على جوازنا، بس ملحوقة والواحد ما بيتعلمش ببلاش”
أمسك بكلا معصميها، وضم يديها إلى صدره، واقترب بشفتيه من أذنها، وقال بإصرار فولاذي، لا يعرف التراجع
“ولا صدقت أي كلمة من اللي قولتيهم، لأنك لسه بتحبيني، ومش عارفة ولا قادرة تكرهيني، كفاية سامع نبض قلبك، اللي ما دقش ولا هيدق لغيري أنا”
نظر في عينيها بابتسامة انتصار، واثقًا أنه يملك مفاتيحها كلها، لكنها فاجأته بابتسامة عارمة باردة، وألقت على مسامعه قنبلة لم يتوقعها
“أنا رفعت عليك قضية طلاق يا دكتور”
اجفلته الصدمة، كأن الكلمات صفعت روحه، ترك معصميها وتراجع إلى الخلف، غير مصدق، فأردفت بثبات قاس