رواية عود ثقاب الفصل العشرين 20 بقلم ندا سليمان
وقفنا الحلقه إللي فاتت عند أما
جهزت داليا وراحت مع نِهال الجمعيه ، إتعرفت ع الناس إللي هناك وحيوها على شجاعتها وشجعوها أكتر إنها تكمل وتصمد للآخر وأثناء كلامهم دخلوا بنتين
_ السلام عليكم
نِهال : الناس المتأخره دي وعليكم السلام ورحمة الله وبركاته
_ أسفه جدااا يا دكتور بس إنهارده جايبه معايا عضو جديد بنوته معانا فـ الحركه إللي عملناها فـ الجامعه ضد التحرش
نِهال : أهلاً وسهلاً عرفينا بنفسك ؟
_ أنا إسمي مريم وفـ آخر سنه فـ كلية الهندسه ..
نِهال : أهلاً بيكي يا مريم شرفتينا إتفضلي أقعدي
قعدت مريم ع الكرسي إللي جنب داليا ، إبتسمت لداليا فبادلتها الإبتسامه
وركزوا مع محاضرة نِهال ، وكل واحده شاركت برأيها ، أخدوا راحه
….. كل الموجودات خرجوا بره شويه وداليا فضلت موجوده هي ونِهال وكام بنت من ضمنهم مريم
مريم : إزيك يا داليا
داليا : أهلاً يا ،،،،، مريم مش كده ؟
مريم : أيوه ، بجد أنا فخوره بيكي أوووووي ،وصراحه حبيتك لله فـ لله كده
داليا : الله يكرمك ، أحبكـِ~ الذي أحببتيني فيه
مريم : عاوزه أقولك إنك مش لوحدك ، كلنا معاكي إن شاء الله ومش هنسكت غير لما الذئاب ياخدوا إعدام عشان يكونوا عبره لكل قذر حقير ممكن يتجرأ ويلمس بنت تاني
داليا : يا رب :’))
مريم : ممكن نبقى صحاب وأقدر أتواصل معاكي ؟
داليا : ممكن جداً يا حبيبتي هكون سعيده
مريم : هاتي رقمك
داليا : معلش إكتبي رقمك إنتي فـ ورقه من الدفتر اللي معاكي ده لإني مش معايا موبايل دلوقتي بس إنهارده أخويا قالي هيجيبلي موبايل وخط إن شاء الله
مريم وهي بتكتب الرقم وتناوله لداليا : تمام جداً ده رقمي أبقي كلميني عشان اسجل رقمك ولو إحتجتي أي حاجه فـ أي وقت أنا موجوده
داليا : تسلمي يا مريوم
فضلوا يتكلموا شوية كلام عام إتعرفوا من خلاله على بعض أكتر لحد ما خلصت فترة الراحه ورجعت نِهال تلقي عليهم المحاضره وبعدين مشيت هي وداليا ع المصحه~
أما عن مريم فبعد ما خرجت من الإجتماع لقت موبايلها بيرن
مريم : أيوه يا عمرو أنا فـ طريقي للبيت اهه الإجتماع خلص
عمرو : كان لازم يعني الإجتماع ده !!!!
مريم : أنا ما صدقت صحبتي تجيبني إنبسطت جداً جداً وحسيت إن بقي فيه تقدم
عمرو : الله الله بس إزاي يعني تقدم صراحه مش شايف حاجه بتتغير ؟
مريم : فيه بنوته إتعرضت لحادثة إغتصاب من 3 ذئاب وماخافتش راحت رفعت قضيه وتم القبض عليهم والقضيه إن شاء الله هتكمل للآخر ، إتعرفت عليها ووعدتها إني بجد هفضل جنبها مهما حصل لحد ما الكلاب دول ياخدوا إعدام
عمرو : كويس جداً بس الله يكرمك بقى يا مريم روّحي دلوقتي حالاً وانا معاكي ع الخط وماتتأخريش كده تاني الدنيا ما بقتش أمان
مريم : حاضر ما تقلقش )
عمرو : صحيح خالد لسه مارجعش ؟
مريم : للأسف ( بكره إن شاء الله لو مارجعش البيت بفكر أروح لبيت أهل صاحبه جاسر وأسأل عنه
عمرو : خير إن شاء الله ماتقلقيش
مريم : يا رب ) ……
~
~
~
داليا رجعت المصحه مع نِهال ، كانت عاوزه تفضل فـ المستشفي بس نِهال أصرت إنها ترجع معاها لإنها لازم ترتاح من الضغط النفسي إللي إتعرضتله من أول اليوم ، دخلت أوضتها وحاولت تنام بس ما قدرتش ، كل ماتغمض عنيها تشوف الحادثه تفتحها تشوفهم وهم واقفين فـ الصف وبتتعرف على أشكالهم ، خافت تنام لوحدها وعلى طول لبست حجابها ونزلت عند منار فـ العنبر إللي تحت ،،،،كل ما تحس بخوف تروحلها تغمرها بحنانها ولما تلاقي منار حست بالأمان وبدأت تنام فـ حضنها يتسرب لقلبها هي كمان إحساس الأمان فتغمض عنيها ويبدأ النوم يزورها ……
~
~
~
علي وسط الضلمه نايم علي ضهره فوق سطح العماره وبيكلم القمر والنجوم ويبعت وياهم رسايل لداليا على أمل إنها توصل …
~
~
~
وهاله بتستعد لإستقبال طفلها من دلوقتي ، بدأت تكتب رسايل ومذكرات عشان لما يتولد ويكبر يقراها ويعرف إزاي كانت متشوقاله وبتستناه وتعد كل لحظه عشان تشوفه بين إيديها ،، إزاي حبت أبوه من قلبها بجد ومازالت مش قادره تكرهه رغم الوجع إللي سببهولها ،، عاوزاه لما يكبر مايلومهاش ويفهم إن مش ذنبها إنه يتولد ويعيش بعيد عن أبوه ، بقت بتكتب كل تفاصيل يومها وكل مشاعرها تجاه علي للجنين إللي فـ بطنها ….
•••••••●••••••••●••••••••••●•••••••••●••••••••●•••••••
طارق قاعد فـ مكتبه وقصاده خالد بيحاول يداري إرتباكه وكل ما طارق يسأل سؤال يجاوب زي ما جاسر قاله معرفش ،،، مشفتش ،،،، ماحصلش !!!
طارق : إزاي بس وعوض البواب إعترف بكل حاجه وقال إنكم أخدتوها ع الفيلا وإغتصبتوها !
خالد: أنا أنا أنا معرفش مين عوض ده أصلاً ولو سمحت انا من حقي أكلم محامي ومش هتكلم غير فـ وجوده ((
طارق : الإنكار مش هيفيدك بحاجه يا خالد أنا إخترت أحقق معاك إنت الأول عشان إنت الوحيد إللي شايف الندم فـ عنيك ، إعترف بكل حاجه وصدقني أنا أضمنلك إن العقوبه تتخفف عنك
خالد : ــــــــــــــــــــــــــــــــ :'((
طارق : ماتخلنيش بقي أستخدم معاك اسلوب مش هيعجبك وهخليك غصب عنك تعترف
خالد : ـــــــــــــــــــــــــــ :'((
طارق : أممممم طيب تخيل كده معايا أختك مريم مكان إللي إعتديت عليها دي وأكتر من واحد بيغتصبها و !!!
إنتفض خالد من مكانه : مريم محدش له دعوه بيها محدش يجيب سيرتها ولا يقرب منها هي ملهاش دعوه بإللي حصل
طارق : أقعد وإهدى كده يا راجل ما تقلقش بس قولي بقي مريم ملهاش دعوه بإللي حصل يعني إيه ؟! يعني إنت دلوقتي بتثبت أهه إنه حصل !
خالد : أنا أنا مش هتكلم غير فـ وجود المحامي
طارق : طاب مش عاوز تكلم مريم وتقولها إنك مقبوض عليك فـ قضية إغتصاب ؟!
خالد : لأ لأ مش عاوز أكلمها أنا عاوز المحامي
طارق : طيب إتفضل قول رقمه عشان نطلبه
خالد : طيب الرقم فـ موبايلي إللي أخدتوه منّي
جابوله موبايله طلّع منه رقم صاحب أبوه وطلب منه يجيبله محامي وبعد ما خلصت المكالمه رجعوه تاني ع الحجز ….
~
~
~
مصلحه كان موقفه زي خالد بالضبط بس إللي يختلف إنه ماكلمش حد من أهله ولا كان عارف رقم محامي فقال لطارق إن المحامي بتاعه هو نفسه محامي جاسر ….
~
~
~
وبما إن جاسر كمان مش عاوز ينطق غير فـ وجود المحامي سمحوله يكلم أبوه ورد بعد معاناه
توفيق : ألو
جاسر : أ أيوه يا بابا أنا جاسر
توفيق : أخيراً يا زفت إنت فين وإيه الرقم إللي بتكلمني منه ده ؟!!
جاسر : مش وقته يا بابا أرجوك إلحقني أنا مقبوض عليا
توفيق : إيييييييييييييه !!! مقبوض عليك فـ إيه ؟!
جاسر : فـ فـ بابا أرجوك هاتلي أكبر محامي وهتفهموا كل حاجه لما تيجوا أرجوك يا بابا بسرعه انا تعبت من الحجز والقرف إللي هنا (
توفيق : طيب طيب أنا جاي حالاً إنت فـ قسم إيه ؟
قاله جاسر علي مكان القسم وراح ع الحجز وهو حاسس إن قلقه هدي شويه وقريب هيخرج من المكان ده …
~
~
~
أحمد عدّى على داليا فـ المصحه طمنها على أبوهم وإدالها موبايل وفيه خط جديد ، قعد معاها شويه بعدين سابها ومشي ، مسكت الموبايل ولقت متسجل عليه رقم أحمد وأبوها وعلياء ونِهال ،إفتكرت أرقام البنات اللي اتعرفت عليهم فـ الإجتماع وأولهم مريم سجلت أرقامهم وإتصلت بمريم
مريم : ألو
داليا : السلام عليكم
مريم: وعليكم السلام ، مين معايا ؟
داليا : أنا داليا يا مريم إلليـ
مريم : أيوه أيوه فكراكي طبعاً ،، إزيك يا داليا ؟
داليا : الحمدلله بخير ،، ده رقمي أبقي سجليه عندك بقي
مريم : أكيييد إن شاء الله ،، إنتي أخبارك إيه ؟
داليا : الحمدلله كويسه ، وإنتي ؟
مريم : أهه الحمدلله ، الإمتحانات قربت ومضغوطه شويه إدعيلي بالله عليكي
داليا : حاضر يا حبيبتي ربنا يعينك ،، هسيبك تذاكري دلوقتي بقي وإن شاء الله ابقى أتصل أطمن عليكي فـ وقت تاني
مريم : ماشي يا حبيبتي وبجد متشكره أوي مبسوطه جداً بإتصالك ربنا يحفظك
داليا : وإياكـِ~ يا رب مع السلامه
مريم : مع السلامه
قفلت مريم معاها وقبل ما تحط موبايلها لقته بيرن ، إستغربت لما شافت الإسم (يااااه عمو كمال بقاله سنين ما اتصلش بيا غريبه !! )
مريم : السلام عليكم
_ وعليكم السلام إزيك يا بنتي عامله ايه ؟
مريم : بخير الحمدلله يا عمو وحضرتك ؟
_ الحمدلله ، إيه يا بنتي إللي حصل لخالد ؟
وقفت مريم من مكانها وسألت بخوف : وهو خالد حصله إيه فيه إيه يا عمو؟؟؟!!!
_ مش عارف اصله كلمني إنهارده بلهوجه كده وطلب مني أشوفله محامي وبيقول إتقبض عليه ومافهمتش منه اي حاجه فقلت اتصل استفهم منك
مريم : إييييييييييييييييييييييه ! خـ خالد إتقبض عليه إزاي وليه !! أكيد غلطانين
_ إهدي يا بنتي أيوه أكيد غلطانيين بس إهدي أنا بحسبك عارفه وقلت تفهميني
مريم : لأ أنا معرفش حاجه هو غايب بقاله يومين وكنت بحسبه مسافر مع صحابه :'((
_ طيب خلاص يا مريم أنا هتصرف
مريم : طيب لو سمحت يا عمو هو فـ قسم إيه ؟
_ هو قالي فـ قسم ( …..) بس ما تروحيش إنتي أنا خلاص هشوف محامي واروحله ونفهم إيه إللي حصل وقابضين عليه ليه !!
قفل مع مريم وجسمها كل بيرتجف ومش فاهمه أي حاجه :'(( !! وعلي طول إتصلت بعمرو
عمرو : أيوه يا مريوم ؟
مريم وهي بتبكي :'(( : مش قولتلك قلبي مقبوض وحاسه إن فيه حاجه :'((
عمرو : إهدي وفهميني حصل إيه ؟؟
مريم : خالد إتقبض عليه ومش فاهمه ليه ولا فيه إيه انا خايفه أوي يا عمرو
عمرو : طيب إهدي إهدي قوليلي قسم إيه وانا هروحله وافهم فيه ايه واطمنك
مريم : لأ عدّي عليا وخدني معاك
عمرو : يا مريم إفهمي مشـ
مريم : أرجوك يا عمرو لو عاوز تريحني عدي عليا :'((
عمرو : طيب ماشي إجهزي وإهدي إن شاء الله خير
مريم : أنا هجهز بسرعه عشان خاطري ما تتأخرش يا عمرو أنا هموت من القلق :'((
قفلت مع عمرو وجريت بسرعه تغير هدومها وهي منهاره وقلقانه جداً على أخوها …….
~
~
~
_ رجعت بدري يعني يا توفيق
توفيق : ماهو من قرف إبنك إللي عاوز يموتني بدري
_ إيه فيه إيه إهدي
توفيق : أهدى إزاي هو إللي عنده إبن زي جاسر يعرف الهدوء فـ حياته !!
_ أنا مش فاهمه حاجه ماله جاسر !
توفيق : إبنك يا هانم مقبوض عليه ومش عارف ليه
_ إييييييييييييه ! مش ممكن حبيب قلب مامي طيب لييييه :'((
توفيق : مش عارف ، أنا كلمت أكبر المحاميين وهنروح ع القسم عشان نشوف مصيبة إيه إللي عملها البيه
_ طيب بليييز آجي معاك اطمن علي إبني
توفيق : تيجي فين أقعدي دلوقتي وأنا لما أفهم فيه إيه هبقي أطمنك ….
~
~
~
هنيه : جومي جامت جيامتك معرفاش أبوكي فين مارجعش بجاله يومين
ردت هنادي ببرود : وعيروح فين يعني يا أما ! أكيد فـ الفيلا
هنيه : جولت لعمك صابر يعدي عليه يشوفه بيجول الفيلا لوحدها وابوكي مش جاعد فيها
هنادي : وأنا أعمل إيه يعني أنزل أدور عليه !!!
هنيه : لا تخشي تنامي إنتي وراكي غير النوم إن شاالله تنام عليكي حيطه يا بعيده وأرتاح منّيكي
خرجت بره وهي بتردد : إسترها يا رب
•••••••●••••••••●••••••••••●•••••••••●••••••••●•••••••
طارق : أيوه يا نِهال
نِهال : أيوه يا طارق خير في حاجه جديده ؟
طارق : نِهال أنا محتاج ضروري جداً تقرير الطب الشرعي لذلك ياريت فـ أقرب وقت ولو النهارده يبقي كويس جداً تكشفي علي داليا عند صحبتك إللي قولتي عليها وتجيبيلي التقرير فيه دكتور عندنا من الطب الشرعي وافق يكتبلها تحويل لدكتور بره يعني بشكل ودي كده نظراً لإنها بتخضع لعلاج نفسي بس قوليلي إسم الدكتوره صحبتك دي وهاتي رقمها عشان نكلمها ويفهمها المطلوب فـ الكشف بدقه وكمان شوفي قريب داليا يجيب تقارير حالة داليا وقت الحادثه
نِهال : طيب طيب أنا عموماً كلمت الدكتوره ورحبت جداً هديلك الرقم دلوقتي وأفهمها إنكم هتتصلوا بيها وهكلم مصطفي حالاً أما بالنسبه للكشف على داليا إنهارده فهحاول وربنا يستر إتملي عندك إسم الدكتوره
طارق : تمام قولي الإسم والرقم ومستني منك تليفون
.
.
.
قفلت معاه وكلمت دكتور مصطفي إبن عمة داليا فهمته المطلوب وقالها إنه هيقدر إن شاء الله يجيب التقارير دي ، قفلت معاه وراحت لداليا ومش عارفه هتفتح معاها الموضوع إزاي !
نِهال : إزيك يا داليا ؟
داليا : بخير الحمدلله
نِهال : طارق لسه مكلمني
داليا : فيه أخبار جديده ؟
نِهال : هو يعني فيه مشكله
داليا : مشكلة إيه ؟
نِهال : إنك لازم تتعرضي ع الطب الشرعي
داليا بخوف : يعني إيه ؟؟؟
نِهال : يعني لازم يطلع تقرير من الطب الشرعي إنك تم الإعتداء عليكي
داليا : وهو كل الأدله دي ومش مكفي !!!!!!
نِهال : أكيد مكفيه يا داليا بس الكشف ده خطوه مهمه جداً فـ القضيه
داليا : بس أنا مستحيل هخلي حد يكشف عليا
نِهال : داليا أرجوكي إحنا خلاص قربنا أهه ودي آخر حاجه هتتطلب منك عشان خاطري بلاش أي تعقيد أو رفض
داليا : مش هقدر كفايه بقي هو ليه محدش حاسس بيا :’(
نِهال : ماتقلقيش انا قلت لطارق مش هنعرضك ع الطب الشرعي هنروح لدكتوره صحبتي بره دكتوره معروفه وممتازه جداً ووالله ما هتتعبي من أي حاجه
حاولت نِهال معاها كتير وداليا رافضه فإستعانت بـ علياء عشان تقنعها وأخيراً وافقت بعد إلحاح من علياء ونِهال
علياء : أخيييراً يا شيخه تعبتي قلبنا يلا غيري عشان نمشي
داليا : لأ إنتي مش هتيجي يا علياء
علياء : ليه ؟
داليا : عشان عرفت من ماما إن هنا عندها سخونيه وإنتي سيباها مع جدتها ومشغوله بيا انا ماينفعش كده يا حبيبتي ثم أنا حاسه اساساً إني عملالك مشاكل مع جوزك عشان خاطري كفايه
علياء : حبيبتي مفيش مشاكل ولا حاجه إيه إللي بتقوليه ده !!
داليا : عشان خاطري إسمعي الكلام أنا هبقي كويسه إن شاء الله ما تقلقيش عليا وهبقي أطمنك لما نرجع بإذن الله وإنتي خدي بالك من هنا وأبقي طمنيني عليها
علياء : مادمتي مصره إني ماجيش معاكي ماشي إللي يريحك يا حبيبتي بس هساعدك تغيري هدومك طيب وأنزل معاكي إنتي ودكتوره نِهال بالمره
داليا : تمام Smile
غيرت داليا هدومها وهي بتلبس حجابها ضحكت :هههههههههههههههههههههههههههه
علياء وهي مستغربه : إنتي بتضحكي علي إيه يا اوختشي ضحكيني معاكي Very Happy !!
داليا : أصلي إفتكرت زمان ! فاكره انا كنت عامله ازاي زمان ، كنت خجوله اوووي فاكره كنت بتكسف إزاي من خيالي وكنت مستحيل ألبس بنص كم حتي لو قصاد بنات !!!
فاكره إزاي كنت خجوله لدرجة إني بتكسف أبص علي جسمي مين كان يصدق إن ممكن كل ده يجرالي !!!! أنا دلوقتي الأيادي كلها بقي مباح تلمس جسمي يا علياء :’(
أنا تعباااااااااااااااااااانه أووووووي ، انا بقيت بتمني الموت كل يوم عشان ما أعش القرف إللي أنا عايشه فيه ده
قربت علياء وهي بتبكي مش عارفه تقولها إيه ضمتها لحضنها وفضلت تربت علي كتفها وتهديها
~
~
~
_ مش عاوزاني أروح معاكي ليه يا هاله ؟
هاله : يا ماما هي ساعة زمن وراجعه هعمل السونار ويسرا هتشوف أخبار الجنين واخلص متابعه واجي حضرتك هتتعبي نفسك ليه المره الجايه إن شاء الله بقي
_ طيب خدي بالك من نفسك عشان خاطري
هاله : حاضر ماتقلقيش يا ست الكل
~
~
~
مريم غيرت هدومها بالعافيه وهي مش قادره تتلم علي أعصابها رن عليها عمرو بيقولها إنه منتظرها تحت وعلي طول إتناولت شنطتها ونزلت وطول الطريق وهي بتبكي وعمرو بيحاول يهديها من الحاله إللي هي فيها ، راحوا ع القسم وكان صاحب أبوها هناك واقف وشه اصفر وواضح الضيق والعصبيه عليه
قربت مريم هي وعمرو منه وسألت : خير يا عمو خالد مقبوض عليه ليه ؟!!!
_ والله يا بنتي مش عارف أقولك خالد أخوكي
~
~
~
~
غيرت داليا هدومها وراحت مع نِهال على عيادة الدكتوره وصلوا العماره وطلعت داليا وفيه رعشه خفيفه فـ جسمها وقلق وخوف جواها وصلوا عند العياده وعنيها لمحت الإسم إللي ع الباب :
((دكتوره يسرا قطب أخصائي أمراض نساء وتوليد)) …..
وإنتهت حلقتنا هنا إنهارده يا تري ردة فعل مريم لما تعرف سبب القبض على أخوها هتكون إيه ؟! وداليا هتقابل هاله عند دكتوره يسرا ولا لأ ؟ ولو شافتها يا ترى هتعرفها ؟ والكشف على داليا هيتم بسلام ولا
فصول الرواية: 1 2