أحمد : إحنا بنلعب مصارعه !!! دي كوتشينه بس لوجيتي هنلعب الشايب ويا وييييلكم بقي اللي هيقع في ايدي
عادل: جزار من يومك تصدق لايق عليك تطلع جزار احم قصدي دكتور
داليا : ههههههههههه هروح اعمل الشاي واجي لحد ما تفرقوا الورق وتجهزوا بس محدش يخم هه خلو عندكم ضمييير
.
.
عملت الشاي وقعدت تلعب معاهم ،بدأت تنسى همها وقلقها مع ضحكاتهم ، حاسه انها فـ حلم ، ماتخيلتش في يوم من الايام انهم ممكن يتجمعوا من تاني زي زمان بتتأمل أحمد وعادل وحاسه براحه نفسيه بوجودهم جنبها ، فضلوا سهرانين بيلعبوا ويتسلوا لحد ما وقفتهم داليا :
كفااايه انتوا مفتريين استغليتوا طيبتي عشان ما بحكمش عليكم وانا اتسليتوا عليا احكام يا دزم
أحمد: أمال فين هقطعكم ومعرفش ايه طلعتي فستك خالص
داليا : هو فيه دكتور محترم يقول فستك ، ماشي ماشي هعديهالك بس قوم يا فالح انت وهو يلا باقي نص ساعه ع الفجر تعالو نصلي ركعتين جماعه
عادل : والله زمااان يا داليا فاكره لما كنا نسهر كده ونصلي ركعتين جماعه قبل الفجر :’))
ربتت داليا على كتفه : ودي ايام تتنسي :’) ! يلا بينا بلاش نضيع وقت احسن الفجر يأذن
اتوضوا ووقف عادل إمام ، صلوا لحد الفجر ، نزل احمد وعادل ع المسجد وداليا صلت وبدأت تدعي ربنا يطمن قلبها ، قالت دعاء الاستخاره ونامت …..