رواية عهد الدباغ الفصل الحادي عشر 11 بقلم سعاد محمد سلامة – للقراءة المباشرة والتحميل pdf

تنهد الآخر قائلًا:

ميعاد طيارة رجوعنا بعد بكره بعد الضهر..

قاطعته بحدة وأمر:

بقولك عاوزة ارجع مصر فورًا لو حالًا، شوفلي طريقة، حتى لو هرجع بطيارة خاصة.

تسأل الآخر:

خير إيه السبب.

تعصبت عليه بغضب قائلة:

بقولك لازم ارجع مصر فورًا هتساعدني ولا لاء.

أجابها بتوتر:

هتصل عالمطار فى طيارة راجعه مصر الفجر لو في مكان..

قاطعته:

لو هقعد فى ارضية الطيارة، لازم أرجع مصر فورًا.

اغلقت الهاتف ظلت جالسه قلبها يتألم بشدة… يديها ترتعشان، بلحظة حاولت التماسُك على هاتفها، وقامت بالإتصال على والدها الذي رد عليها نبرة الحزن كانت واضحة في صوته، سألته مباشرةً:

فرح يا بابا،الغُدة رجعت لها مش اتعالجت منها وكانت بقت كويسة.

نبرة والدها المُتأثرة كانت صدمة ثانية:

كنت متأكد أنها هتكلمك، هترجعي إمتي.