رواية عهد الدباغ الفصل الثالث عشر 13 بقلم سعاد محمد سلامة – للقراءة المباشرة والتحميل pdf

تبسم وهو يضع قُبلة على رأسها قائلًا:

بشوف لا الحج محي يشوفني ببوس راسك يدخل يحطني عالجريل… الراجل ده قاسي غيور أوي.

ضحكت اجلال بغصة قائلة:

ربنا يفرح قلبك يا حبيبي.. وبعدين ده باباك مفيش فى حنيته..ودي مش غِيره…دي تملُك…بكره تتجوز وتبقي مش عاوز حد يقرب من مراتك.

ضحك كنان قائلًا:

لا أنا هبقي راجل قلبه لين وهين…تصدقي يا ماما…فاروق ومحسن بيبدلوا فى العربيات وأنا جايب عربييتي الجديدة برضوا قسط حتى بابا رفض يدفع المقدمة المرة دي وإضطريت ابيع القديمة وأدفع من تمنها المقدمة وكام قسط..مش عارف اشمعنا البت يارا النكديه غير لها عربيتها وأنا لاء،دي تفرقة عُنصرية… هو انا مش إبنه… بس لاء دا أنا أكتر واحد قريب الشبه له… أها أنا إزاي مكنتش فاهم.. عشان كده هو بيقلق مني عشان أنا شبهه بس أنا على أوسم طبعًا.

ضحكت اجلال قائلة:

اختشي يا ولا مفيش فى الدنيا أحلى ولا أغلى من الحج محي الدىاغ… ويلا شوف طريقك وربنا يبارك لك فى عربيتك الجديدة ويكفيك شرها.

-آمين… جبتها لونها أحمر دم غزال، عشانك يا غزال… فى يوم هاخدك ونطلع نتفسح سوا من ورا الحج محي.. ولما يسألك خرجتي من ورايا ليه.. قولى له