مين حضرتك.
رواية عهد الدباغ الفصل الثالث عشر 13 بقلم سعاد محمد سلامة – للقراءة المباشرة والتحميل pdf
جملة كفيلة جعلته يعلم سبب صمت ونظرات عهد.
-فاروق الدباغ.
تمعن النظر له، هو ذو هيبه واضحة.. ضجر فاروق من صمت عهد، لكن تجرأ وإنحني يقبض بيده فوق مِعصم عهد قائلًا بنبرة شبه جامدة:
عهد ممكن نتكلم شوية.
لولا قبضة يده على مِعصمها لكانت رفضت ذلك، كذالك ضيقها من الشخص الآخر بالفعل نهضت مع فاروق بعدما ودعت الآخر…
لحظات وقف الإثنين أمام سيارة فاروق… جذبت عهد يدها من قبضته بقوة قائلة:
خير عاوز إيه.
أجابها بسؤال:
مين اللى كنتِ قاعدة معاه ده.
أجابته بتعسُف:
وإنت مالك، أقعد مع اللى أي حد أنا حره مكنتش ولي أمري.
قالت ذلك وكادت تبتعد عنه لكنه قبض مره أخري على معصمها قائلًا:
خليني أوصلك.
-لاء… أنا جايه فى تاكسي هطلب أوبر، وفر خدماتك.
إبتلع حديثها تنهد بقوة قائلًا:
عهد من فضلك ممكن نتكلم بهدوء.
-مفيش بينا كلام، اللى كان كل هدفك إنها تبعد عني وتكرهني خلاص…
توقفت تسيل دموعها كأن عقلها مازال يرفض رحيل فرح ، غص قلبه ود لو يحتضنها، بالفعل إقترب وضع يديه فوق عضديها قائلًا:
عهد بلاش عِناد أرجوكِ…
تهكمت عهد وهي تنفض يديه عنها قائلة:
أنا بكرهك يا فاروق ومتأكدة ده شعور متبادل منك إنت كمان.