خالد ملابس
قمر وانت محتاج تسافر عشان تخيط الهدوم انت ممكن تخيط وانت هنا
خالد انا مسافر ادرس في مدرسة مرنجوني في ميلانو في ايطاليا عشان أتخصص مش عارف هتفهمي ولا لأ انا برسم تصميم الفستان واي حاجة تخصة وغيري يخيطه
قمر مش فاهمة
خالد شوية وهفهمك انتهي الطعام وحملت نوال الأطباق وقامت بأعداد الشاي وخرجت لتجد
خالد يخرج من حقيبته اسكتش بها رسمات لأنواع مختلفة من الملابس لنساء والرجال
كانت قمر تنظر له بأعين متسعة من الدهشة فرسوماته كأنها حية
قمر انا كمان هبقي زيك لما اكبر انا برسم حلو هجبلك الكراسة بتاعتي عشان تشوف
فعلا أحضرتها له فنظر لها وابتسم وقال انت موهبة يا قمر انت جميلة ورسمك جميل
ابتسمت وامسكت قلم وقالت انا اعرف ارسم الفستان دا هقلده
خالد لا لا مينفعش تقلدي انت لازم تبتكري من نفسك ماشي
قمر ماشي