وما أن دخلت نوال الشقة حتي أسرعت لتعد الطعام بينما دخل قاسم إلي الحمام
وجلس خالد بجوار قمر يحاول أن يجعلها تتكلم معه
خالد عندك كام سنة يا قمر
قمر تكمل ١١ الشهر الجاي
خالد شكلك اكبر فابتسمت فقال انت جميلة اوي يا قمر
قمر شكرا يا عمو
فضحك وقال انا ابن عمك فردت بس شكلك كبيرة فضحك وقال انا مسافر ادرس بره تحبي اجيب ليكي ايه معايا لما ارجع
قمر مش عارفة بس مش ناقصني حاجة شكرا يا عمو
خالد ضحك مرة ثانية وقال انت تاني
وفي هذا الوقت خرج والده من الحمام يوجفف يده بالمنشفة
ونوال تحمل الصينية عليها الطعام لتضعها علي السفرة
جلسوا يتناولون الطعام فشردت نوال في حال زوجها وما ال إليه من تعب وتهديد بالحبس أن لم يتصالح قاسم مع صاحب المعرض ويعرفه حال جمال
أخرجها قاسم من شرودها قال هيطلع بالسلامة يا ام قمر
فردت يا رب يا ابو خالد يا رب
ثم التفتت إلي خالد وسأله طيارتك امتي
خالد النهاردة بالليل يا مرات عمي
نوال تروح و تيجي بالسلامة
قمر هنسافر ليه يا عمو
خالد عشان ادرس التصميم
قمر تصميم ايه يا عمو
خالد بلاش عمو ممكن تقولي يا خالد
قمر لا عيب
ضحك خالد ونوال وقاسم عليها ثم قالت
نوال خالد ابن عمك مش عمك
قمر خلاص ماشي ماشي بس جاوب علي سؤالي تصميم ايه