مش ممكن يبقي حاجة تانية عن ازنكم
الحاجة محمد استني بالله يا ام قمر يا بنتي
نوال معلش يا حاج انا لازم امشي دلوقتي
قاسم النهار ليه عنيت يا ام قمر انا بنفسي هوصلك لو دا اللي انت عاوزاه
ثم نظر إلي سميحة وقال خديها يا ام خالد طلعيها قوضتها
سميحة حاضر يا ابو خالد ياله يا نوال استهدي بالله يا حبيبتي
نظرت لها وهي مترددة وكل من في المنزل يتابعها وينتظر ماذا تفعل
اترحل ضاربه برجائهم عرض الحائط
ام تظل ولا تكبر الامور ماذا سيحدث الأن أو ماذا ستقول لأهلها وهي ترجع بابنتها في العاشرة مساء
نظرت إلي نيرة وهي تقول
نوال انا عمري ما كنت خرابة بيوت يا ام محمد انا ذكري جوزي عندي بالدنيا وما عليها
نيرة بقلة حيلة انا مقولتش حاجه يا ام قمر
نوال عنيكي قالت
قاسم خلاص يا ام قمر سحبتها سميحة من يدها إلي غرفتها
ثم نظر قاسم إلي امه وهو يقول ليه كده يا حاجة اهي هتمشي هتاخد بنتها معاها وصية اخويا مش هقدر امنعها
خديجة إلا قمر دي هي اللي مهونه عليا فراق الغالي واخذت تبكي كأنه لم يمر أشهر علي وفاة ابنها
محمد خلاص يا قاسم هتهدي شويا وترجع انا قولت بلاش اللي بتفكري فيه دا
خديجة غصب عني انا عاوزة بنت ابني ما تمشيش يعني عاوزها تمشي وأتحرم منها ومن ابوها دا حتي حرام