الحاجة خديجة ما جبتش مرات اخواتك معاك ليه
قاسم قمر لسه ما خلصت الامتحانات
محمد ومرات اخوك زينة
قاسم اه يا حاجة ب١٠٠ رجل بنت اصول اليومين اللي قعدتهم انا وخالد مقصرتش وجرانها ناس طيبين
الأم سببت ليهم فلوس
قاسم ايوة بس ما كنتش عاوزة تاخد هم وقلت ليها دا بيت اخويا
الحاجة محمد تسلم يا ابني اطمنت علي خالد
قاسم اه كلمني في التليفون تطمني انت وصل واستقر
الجدة الحمد لله
الحاج محمد بس كان ليه لزمته السفر من اول ما هو خلص الجامعة
قاسم زيادة علم احنا كارنا القماش اخويا عماد شغال في الملابس الجاهزة هو عاوز يطور سيبه ربنا يصلح حاله
الحاج محمد خلاص يا قاسم اللي تشوفه
قاسم انا خلصت فطار اسبقك علي الوكالة
الحاج محمد لا انا كمان خلصت نروح سوي
الحاجة خديجة ما تريح النهاردة يا حاج
الحاج محمد انا راحتي في الشغل وبعدين انا مش بعمل حاجة ربنا يخلي قاسم ياله يا ابو خالد
الأم ربنا يخليه لينا
قاسم تعيش ويطول عمرك يا ست الكل اتجه مع والده إلي السيارة
سبقه الحاج محمد لانه يعرف انه لا يخرج من البيت قبل أن تدعي له سميحة
وقفت سميحة وهي تنفض غبار وهمي من علي كتف قاسم فابتسم لها وقال
قاسم ادع لي يا غاليه
سميحة يخليك ويرضي ويطرح البركة فيك