قمر وهي تلقي نفسها في حضنه وتقول وانت كمان يا عمو يواه يا بابا قاسم
قاسم ازيك يا ام قمر
نوال ازيك انت يا ابو خالد
قاسم معلش اصل قمر كانت وحشاني
نوال انا عارفة
قاسم نظر لها نظرة معناها لما انت عارفة مجبتهاش وجيتي ليه
نوال نظرت أرضا
فماذا تقول لقد أعدت نفسها هي وابنتها الاسبوع الماضي ولكن ولادها رفض
نوال معلش يا ابو خالد ظروف
قاسم ماشي يا ام قمر انا هخدها النهاردة وهجبها بكرة اخر النهار قلتي ايه اصل الحاجة عاوزة تشبع منها وحكاية تيجي بالليل دي مش نافعة
محمد اخوي نوال الكبير ليه يا حاج قاسم قمر متعرفش تنام غير في حضن أمها
نوال بعد أن رأت وجه قاسم قد تغير قالت خلاص يا محمد
الموضوع سهل اللي تشوفه يا ابو خالد
سعيد أيوة طبعا حقها احنا في الأول وفي الاخر اهل
قاسم وهو ينهض عشت يا حاج سعيد ياله يا قمر
نوال هجيب هدومها واجي
ما أن وصل قاسم إلي البيت حتي نزل قمر مسرعة
وهي تدخل إلي غرفة جدتها
قمر وحشتيني اوي يا تيتا
خديجة وهي تفتح ذراعيها وانت كمان وحشتيني يا بنت الغالي