+
أما بالسيارة أخرج راجع سيجارة وأشعلها ليتأفف الآخر من رائحة الدخان لكنه تجاهل الأمر وبادر سائلًا:
_ ” هتروح فين دلوقتي؟ ”
+
سحب راجح نفس عميق من السيجار وقال بنبرة حائرة وضاجرة في نفس الوقت:
_ ” مش عارف… بس اللي أعرفه كويس أني مش هصبر عليهم أكتر من كدة… ”
+
أرخى جسده للكرسي قائلًا بإرهاق:
_ “طب اطلع على الحارة بقى على ما أخطف ساعة نوم ”
+
نظر له راجح بعدم فهم ليردف الآخر بتفسير:
_ ” يعني أنا مش فايقلك آه، بس مش هسيبك في الشارع ولا تحجز فندق وأنا موجود، ”
+
رد راجح بقلة حيلة:
_ “ماشي لما نشوف الحارة النموذجية اللي حضرتك متمسك بيها دي…. ( ثم أخذ نفس عميق حائر) الله يسامحك ياابا على المرمطة اللي أنا فيها”
+
———————-
+
تألقت الشمس بسماء الصيف الصافية لتصل خطوطها لأرجاء تلك الحارة البسيطة في تداخل رائع مع أصوات الأقدام وفتح أقفال المحلات والوِرش، وبائعي الخضار الطازج وأتم روعة المشهد رائحة الخبز الخارج من الأفران مع الأكلات الشعبية المختلفة…
+
لنصل معًا لتلك الشقة المتوسطة بأثاثها الحديث ورائحة الفطور المعبئة لكل ركنٍ فيها
+
_ ” بت يا سلمى… انتِ يابت يا ملحوسة الدماغ “