_ ” مش شايف غير سخطة لابسة بدلة أرجوز ”
+
صرخ سكر مرة أخرى ومازالت رؤيته مشوشة لعدم ارتدائه نظاراته:
_ ” أنتم مين؟؟ دا أنا هروح فيكم في حديد، بتتجرأوا على حُرمة بيتي يا كلاب ”
+
زفر أحدهما بضيق ونزل مقتربًا من سكر كاتمًا فمه بيده قائلًا بحنق:
_ ” حد يصحي حد كدة يا سكر؟؟ ”
+
تعجب راجح سائلًا بإستكار:
_ ” سكر؟؟ هو ده خالك مدرس التاريخ؟؟ ”
+
هز الآخر رأسه بتأكيد وقال بلامبالاة:
_ ” اطلع هاتله النضارة من على الترابيزة اللي في الصالة”
+
خرج راجح يضرب كفًّا بكف بينما كان سكر يحاول الإفلات من يد الآخر حتى نجح بعدما تركه بمزاجه،
+
_ ” آه يا حرامي سارق صوت سيف ابن أختي يا مجرم.” قالها سكر بغضب وهو ممسك تلابيب قميص سيف الذي أبعده قائلًا بيأس:
+
_ ” ما أنا زفت ياسكر، وكفاية فضايح بقى معايا ضيف ”
+
ظل سكر على وضعيته وصاح بعدم اقتناع:
_ ” حرامي وجاي بضيوفه كمان؟! آه يا بجح!، وسيف ابن أختي أصلًا في شغله ”
+
شعر بأحد يضع النظارة على عينيه والذي لم يكن سوى راجح قائلًا بضجر:
_ ” ياعم هو ابن أختك بقى ماتقرفناش، ماعرفناش ننام ساعتين”
+
نظر سكر لسيف لبرهة وسرعان ما احتضنه وصاح بفرح:
_ “سيف ابني حبيبي، قلبي حس بيك انك جاي ياغالي يا ابن الغالية “