+
_” يعني الأهالي بقى شافوا محفظين غيري في فترة الانقطاع، ده لازم عشان الأولاد ماينسوش اللي حفظوه”
+
وضح له عز مقصد سؤاله نابسًا:
_” مش بسأل عن اللي انقطعوا قصدي اشمعنا دول بس اللي بقيوا؟ ”
+
بنفس الابتسامة الهادئة أجابه عليه برد مختصر لكن مفهوم جيدًا:
_” عشان الحال من بعضه ”
+
بعد وقت كانت سيارة عز تقف أمام منزل بسيط جدًا خاص بالطفلين، كانا في الخلف يهمسان لبعضهما بفرحة من تواجدهما لأول مرة داخل سيارة فاخرة كتلك وعينا عز تتبعانهما عن كثب حتى وعدهما قائلًا:
_” مش هتبقى آخر مرة أوصلكم كل ما آجي لنوح مش همشي من غير ما نتقابل ”
+
صاح أحدهم بحماس:
_” بجد؟! ”
+
_” بجد، يلا عرفوني بقى مين “محمد” ومين “محمود”؟! ”
+
قدما انفسهما فاخذ عز يعيد على شخصياتهما ويحفظ الفرق في عقله حتى استوقفه سؤال محمد قائلًا:
_” طب انت وأخوك اسمكم ايه؟! ”
+
صمت عز للحظة دون إجابة كأنه تفاجأ، تفاجأ من ضم أحدهم له مع توأمه في جمله أو سؤال، عندما لاحظ تركيزهم معه تنهد بقوة وأجاب قائلًا بهدوء:
_” أنا عز وهو سيف ”
+
_” ليه أسماؤكم مش زي بعضها؟! ”
+
صحح له عز قائلًا بتأكيد:
_” أنا اسمي عز الدين وهو اسمه سيف الدين، يبقى زي بعضها ولا مش زي بعضها؟! “