1
تعرفون؟ لم تدم صدمته طويلًا كأنما اعتاد ظهورها من العدم كشبح يطارده أينما ذهب، عاد يريح جسده للأريكة وكذلك عاد يُغمض بهدوء تام..
1
شيعته هي بنظره مغتاظة من بروده ثم امتصت اصبعها وأغلقت العلبة بكل احترام وتحركت نحوه بخطوات عرجاء نتيجة إصابة خفيفة في قدمها…
+
_” مفيش حمدًا لله على السلامة طيب! ناكر الجميل قوي كدة؟!! ” قالتها بامتعاض وهي ترتمي على أحد المقاعد جواره
+
سمعت زفير قوي منه ثم نبرته المُستاءة:
_” مين سمحلك تخرجي وعرفتي مكاني ازاي؟! ”
+
همت تضع قدم فوق الأخرى لكن تراجعت بألم ضرب ساقها فصاحت متحسرة على ذاتها:
_” يا خسارة شبابك يا نور، منه لله اللي كان السبب، طب مين هيرضى يتجوز واحدة مدشدشة كدة، ضيعتوا مستقبلي يا شيخ روح ربنا ينتقم…”
4
_” نور! ” لفظ اسمها بنبرة تحذيرية فعزفت عن دعوتها وأشاحت برأسها تهتف بحنق:
_” خلاص يا عم الفصيل هقول… الواد الأصفر ابن الزعيم الله يحرق أبوه سألته عنك فحكالي اللي حصل بالحرف فطلبت منه يحدد مكانك ويوصلني ليك… ”
+
ثم أكملت كاذبة:
_” واديته اللي فيه النصيب فقام جابني هنا من قيمة نُصاية وعطاني نسخة من المفتاح كمان، حاكم القرش بيذل “