_” أنا أنا بس تليفوني شاشته بتعلق ومش عارفة أستخدمه ”
+
رمقتها شهد بسخرية وخبطت على كتفها عدة مرات وهي تقول:
_” وماله أقول للريسة تبعتلك فلوس مقدمًا تيجبي واحد جديد بس انتِ تظبطي كدة وتعقلي ”
+
أنهت كلامها الغريب على فتاة في سنها وعادت تمضغ العلكة بأسلوب مستفز بينما هزت سهى رأسها تتذكر تعليمات روزالين وهمست في استسلام:
_” ماشي ”
+
رحلت لمنزلها دون أن تعطي فرصة لحديث اضافي بينما ظلت شهد تتابعها بنظرات ماكرة ثم مشت لبيتها في آخر الشارع وعندها ظهرت والدتها أمامها تستعلم بلهفة:
_” ها قالتلك ايه البت دي لانت ولا هتعملنا مشاكل معاهم ”
1
ردت في غرور:
_” وهي تقدر ماتلينش عيب عليكِ دا أنا حافظاها وعجناها… بتتطلع تطلع وبعدين تنزل على مفيش ”
+
حركت فمها بالتواء ثم هتفت ساخرة:
_” طب ادخلي ياختي وبلاش الشويتين دول، دا انتِ ما عرفتيش تسحبي البت السهنة التانية كنا استفادنا من الناحيتين”
+
كانت تتحدث بدناءة لا مثيل لها كأنها تأخذ بهؤلاء الفتيات في رحلة ترفيهية وليس للهاوية حيث تقضي على حاضرهن ومستقبلهن بالعمل كجزء من تشكيل إجرامي بشع لا يعرف للقيم ولا للأخلاق سبيل…
+
——————