+
تسرب الحزن لنبرتها لكن لم تختفِ ابتسامتها وهي تسترسل في حيرة:
_” كانوا اتنين تقولي فولة واتقسمت لكن اللي حازز في نفسي انهم كانوا بيبصولي… كأنهم بيعاتبوني وأنا مش فاهمة ليه ولحد دلوقتي كل ما أفتكر نظراتهم أزعل من نفسي كدة من غير سبب ”
1
استغربت عتاب حلمها ذاك لكن قالت تُبسط عليها الأمر :
_” أحلام بقى يا أم عز ماتدقيش ”
+
حركت رقبتها دون اقتناع وقالت:
_” ما أنا كنت فاكرة زيك لحد ما نوح فاجئني ان الراجل فعلًا ليه أخ توأم…. اسمه سيف ”
+
_” لا ماتقوليش، شكل مكشوف عنك الحجاب يا نونة دا احنا نعملك زار”
1
قالتها عتاب بضحك فأخرجت نهال من تأثرها وضحكت هي الأخرى مُردفة:
_” يخرب عقلك انتِ مالك من يوم ما جوزك اختفى وانتِ بتجاكري وتضحكي على الخطوة ”
+
تنهدت رافعة يديها بقلة حيلة وقالت:
_” عشان عارفة انه زي القطط بسبع أرواح وتلاقيه عايش حياته بالطول والعرض يبقى أنفك أنا بقى ياكشي ميرجعش لحد ما أطمن على بناتي وأكبرهم وأعلمهم بعيد عن مصايبه وفضايحه ”
+
_” ربنا يهديه ليهم دا مهما كان أبوهم ”
+
قاطع الحديث خبط الباب تزامنًا مع خروج الفتاتان من المطبخ لتركض سالي لتفتح وخلفها سهى… فجأة انقلبت الأجواء رأسًا على عقب…