1
وافقتها عتاب ثم تساءلت بنبرة مشتاقة:
_” يا ترى ايه منعه ييجي على العشاء الليلة دي وعارفة لو سألته هيفضل يتحجج بالمذاكرة عشان ما يجتمعش بينا ”
1
ضحكت نهال بيأس من تلك التي تتحدث وترد على ذاتها ثم قالت بعقلانية:
_” ما تظلمهوش يا عتاب السنة تقيلة ومحتاجة تركيز وهو كل ثانية في وقته محسوبة عليه ما هو وراه شغل مش متفرغ ”
+
اقتنعت برد نهال وكادت تسكت لكن اعتدلت فور ما تذكرت ما يشغلها منذ فترة:
_” ألا بالحق يا أم عز ”
+
لمعت عيني نهال فور سماعها للقب الذي يعرفه عنها الكثير من نساء الحارة لكن لا يعرفون حقيقته، أهو حبًا في الاسم فقط أم كان لديها طفل بنفس الاسم وتوفي صغيرًا؟!! فلا يعرف السرَّ سوى نوح فقط.
1
انتبهت لعتاب وهي تسأل في فضول:
_” نوح ماقالش اتعرف من فين على الجدع الغني ده اللي خرجه من حبسته؟ ”
+
ابتسمت نهال ببشاشة فور تذكرها له وقالت بألفة:
_” قصدك عز ؟ ”
+
_” سبحان الله هو طلع اسمه عز! ”
+
أومأت نهال وهي تتحدث مبتسمة:
_” آه ياستي اسمه عز ، عشان كدة طلته خطفت قلبي مرتين، مرة عشان اسمه غالي عليا ومرة عشان اللي عمله مع نوح ”
+
سكتت برهة ثم عادت تتحدث بحنين:
_” تعرفي إني حلمت بالجدع ده من فترة، كان شكله متغير شوية لكن كنت متأكدة في الحلم انه هو نفسه عز اللي ساعدني يوم ماجاتلي نوبة ربو …. بس الغريب بقى انه ماكانش واحد….”