_” أودي وشي من نفسي فين دلوقتي وأنا مفيش ليلة مادعتلكيش فيها بالهداية والصلاة معانا في جماعة ”
+
هنا انفجر الجميع في الضحك حتى هي ضحكت بضعف لكن سرعان ما تذكرت عمها فعاودت لحزنها وقلبها المرتعب بشأنه…
+
مرت لحظات من السكوت والجميع لا يعرف ماذا يقول، حتى قطعته ليلى بما يريدون معرفته:
_” خطفوا عمي إبراهيم ”
+
فقط وواصلت بكائها بقوة بينما صاحت بثينة بحزن:
_” يالهوي، ربنا ينتقم منهم البُعدة، طب عايزين منه ايه؟! ”
+
انتظر بكر إجابتها بفارغ الصبر حتى قالت بتعلثم:
_” اكيد شكوا انه يعرف مكاني، أكيد هيعذبوه وممكن… ممكن يقتلوه ”
+
_” مين دول وليه يعملوا كدة ” صاح بها صلاح بضجر وعدم تصديق وأيضًا شفقة
+
فاستكملت تجيبه بحزن:
_” خالي وولاده، أنا هربت منهم بس والله ماسبوليش حل غير ده، ظلموني أوي والله ”
+
لم تكمل حديثها وظهر عليها عدم الاستعداد لشرح أكثر من ذلك وهذا ما تفهمه بكر فسأل:
_” طب عرفتي منين انهم خطفوه؟ ”
+
أجابته بضعف:
_” بقاله يومين مش بيكلمني ودي مش عادته، ماقدرتش ماتصلش برقم يارا بنته وهي قالتلي انهم أخدوا من البيت ومارجعش… هو لواحده مفيش حد يدافع عنه وهما ناس جبروت خالص وكل حاجة عايزينها بيعملوها وماحدش بيقدر يقف لهم “