+
رد بتلقائية وبرود:
_ ” بعد الضهر، صلتيه؟! ”
+
نظرت له بثبات كأنها لم تفهم سؤاله بينما شعر بتسرعه، ما دخله هو في صلاتها؟!! لذا أردف بجدية:
_ ” طيب يا فندم البسي وأنا مستنيكِ تحت هوديكِ المكان اللي انتِ عايزاه ”
+
لازلت تفكر بسؤاله بل وشعرت بالإختناق قليلًا مما جعلها تقول بهدوء:
_ ” اوكي، هتوصلني وترجع صح؟ ”
+
ابتسم بسخرية وقال برسمية مقيتة بالنسبة لها:
_ ” هاخد دقني في الكرسي اللي جنبك، معنديش أوامر أسيبك لواحدك ”
1
اتسعت عينيها وردت بشراسة:
_ ” لأ كدة كتير، انت هتفضحني وسط صحابي، بُص، لما الحفلة تبدأ مش عايزة حضرتك في القصر وماتكلمنيش بالطريقة دي قدام حد ولا حتى بينا، تمام ”
+
أنهت كلماتها ودخلت مغلقة الباب بقوة في وجهه مما جعله يصك أسنانه محدثًا نفسه بسخرية:
_ ” هي دي اللي صعبانة عليك؟!، دي انسانة فلتانة وناقصة رباية، قال خارجالي بقميص نوم، امتى المهمة الزفت دي تخلص وأعرف ألاقي حاجة ”
+
أما بالداخل نظرت مسك لهيئتها وقالت بصدمة:
_ ” اا what !! أنا خرجت كدة ازاي، وقليل الأدب مافكرش ينبهني، انسان قذر ”
1
نعم فشخصية مسك شخصية متناقضة ما بين كره الخطأ والتعود عليه، لكن يبقى بقلبها بعض القيم التي علمتها لها والدتها قبل وفاتها منذ كانت في العاشرة.