_ ” فيه ايه يا زفت انت كمان…. ايه؟؟ نور؟؟ وحصلها حاجة؟! ”
+
_ ” لأ يا فندم فيه واحد اتدخل وطلعها من الخناقة بعد كدة ركبوا العربية سوا وفضلنا وراهم لحد ما رجعت البيت بخير ”
+
هدأ وقال بجدية:
_ ” اسمع أنا بنتي لو حصلها حاجة هقوِّم الدنيا ومش هتقعد، عيونكم ماتفارقهاش لحظة انت فاهم ؟! ”
+
أغلق الهاتف وقال بضيق:
_ ” ليه يا نور ليه العند ده؟! مش هستحمل تروحي انتِ كمان مني، مش كفاية أخوكِ اللي ما أعرفش هو عايش ولا…… ، ارجعي لي يابنتي كفاية كدة ”
+
—————
+
الحديقة مزيَّنة بصورة رائعة مجهزة لمثل هذا الحفل….
+
أصوات صاخبة ناتجة عن الموسيقى والأغاني الأجنبية تصدح في المكان بالكامل، مشهد ليس أخلاقي بتاتًا من تقاربات جسدية بين ضيوف الحفل أثناء رقصاتهم الهوجاء، غير تلك الخمور والمسكرات التي اتخذت مواضعها في الكؤوس الممسكين بها، العدد قليل فقط مجموعة من الأصدقاء لا تتخطى الثلاثين شخصًا….
+
_” مسك بليز فكي شوية معانا… جربي كاس حتى ” كلمات شيطانية مصدرها إحدى رفقاء تلك الجالسة جوار شاب وكأنها في أحضانه
+
ردت وهي تنفس دخان سيجارتها:
_” لأ يا لارا قولتلك مش هكرر التجربة دي تاني “