_” ما انت اللي صدقتها أنا مالي… مش أنا اللي شوفته على النت مع الحرمة دي وعرفتك مكانه … دي جزاتي؟! ”
1
—————
+
دخل الشقة خالعًا حذائه ليسمع لصوت والده من الداخل يقول:
+
_ ” انت جيت يابكر غيبت كدة ليه يابني؟! انت مش عارف مين هنا؟!”
+
عقد بكر حاجبيه متوجهًا للداخل لتتسع عينيه بصدمة وهو يرى شاب أشقر بعيون زرقاء ابتسم له قائلًا:
_ ” بكر واحشني يا جدع قولت أجيلك نشوف ايه حكايتك ”
+
ابتسم بكر من بين دموعه فالتنكر الذي يرتديه سيف الواقف أمامه من صنع شريف رحمه الله،
+
اقترب منه سيف واحتضنه قائلًا بهمس به أسى:
_ ” ماتحسسنيش بالذنب أكتر من كدة يا صاحبي ”
+
احتضنه بكر بقوة وهمس له بحب أخوي:
_ ” اللي حصل قضاء وقدر وماحدش مشيلك الذنب يا سيف، انت متنكر ليه صحيح؟! ”
+
ابتعد عنه سيف قائلًا بجدية:
_ ” بعدين أقولك ”
+
هنا صاح صلاح والد بكر بتعجب:
_ ” هتفضلوا واقفين ولا ايه اقعد يا عسَّاف يا ابني ”
+
كان يقصد سيف مما جعل بكر يضحك بقوة هامسًا بسخرية:
_ ” عسَّاف؟! جبت الاسم ده منين؟ ”
+
رمقه سيف كي يصمت ثم قال بمزاح:
_ ” هاخد بكر نعمل دور شاي وحبة فشار كدة لزوم القاعدة ياعم صلاح”
+
ضحك صلاح بود وقال: