+
“انت ليه طريقتك كدة؟ ليه محسسني انك ولي أمري… على فكرة انت اللي شغال عندي don’t forget ماشي؟ ” هكذا تحدثت فجأة بعدما كانت تكتم غيظها لفترة
+
_” وماله” كانت أجابته المختصرة التي استفزتها فالتفتت له شاهرة سببابتها في وجهه وهي تكمل بنبرة آمرة:
_” عشان كدة انت مش مرحب بيك في الحفلة خالص وياريت تفضل بعيد وتسيبني أستمتع مع صحابي”
+
أماء برأسه بملامحه التي بدأت تنصهر من طريقتها المهيمنة في الحديث وإلقاء الأوامر:
_” إن شاء الله ”
+
اغتاظت أكثر وصاحت به بحدة:
_” انت بتسايرني! فاكرني عيلة صغيرة قدامك؟! ”
+
شهقت بقوة واندفعت للأمام مع وقوف السيارة فجأة وما لبست أن تسمع صراخه الغاضب:
_” انت عايزة ايه بالظبط؟!… أنا واحد بشوف شغلي لا يهمني أتدخل في حياتك ولا أتحكم فيكِ… انتِ مجرد أمانة في رقبتي لحد ما أسلمك لوالدك فياريت يكون بينا تعاون عشان أخلص مهمتي بهدوء ”
+
تعالت أنفاسها وتسارعت وهي تطالع غضبه الغير مبرر، تابع ملامحها المصدومة، فتأفف بضيق مغمضًا عينيه وقال بهدوء مزيف:
_” ممكن ماتستفزنيش، أنا فعلًا مش حابب أتعصب عليكِ، حاولي تستحمليني الفترة دي من فضلك وسيبيني أركز في شغلي… “