+
فبدأت تأن ببكاء مكتوم فتأفف وصرخ فجأة:
_” ميمونة!!…. انتِ يا زفتة ”
+
حضرت ميمونة فورًا وهي تقول برعب وتعلثم:
_” ءامر يا باشا ”
+
أشار على بتول بقسوة غير مراعي لبدء دخولها في نوبة هلع وقال بغضب:
_ ” البت دي وشها أصفر كدة ليه وهفتانة؟؟؟ أنا مش قولت ألف مرة تاخدوا بالكم من صحتها ”
+
أومأت بهيستيريا عدة مرات وهي تجيب:
_ ” والله يا باشا دي زي الفل وبأكلها بإيدي كويس وحتى الدكتور قال تحاليلها حلوة ”
+
تنفس بضيق وقال بصرامة:
_” اياكِ تقصري في صحتها لحظة، وقتها هقتلك بإيدي ”
+
ثم اقترب من ابنة أخاه التي أصبحت تتنفس بصورة متسارعة وقال بمقت:
_” للأسف فيه قطع غيار مالهاش بديل، وانتِ بالنسبة لي قطعة الغيار الوحيدة اللي في دولابي ”
+
استدار ليخرج وهو يرد على هاتفه وما أن دخل غرفته الخاصة قال بترحاب:
_” نوَّر مصر كلها والله…. طب بالله يا باشا لو عرفتني معاد وصوله كنت استقبلته بنفسي ”
+
بعد تحذير تلقاه من الجهة الأخرى قال بتأكيد:
_” يا باشا البنت ماحدش يعرف شكلها حتى وطول ماهي في قصري مفيش قوة هتقدر تخرجها من هنا…. انت عارف هي بالنسبة لي ايه دي مسألة حياة وموت قول للزعيم يطمن، بتول دي اللي يقرب منها هنسفه “