_ ” انت كويس؟، ماكانش فيه داعي تضربه عشان غلط فيا أنا كنت….”
1
قاطعها راكبًا مقعد القيادة في سيارتها فتعجبت وركبت جواره فالتقط المفاتيح من يدها وانطلق بالسيارة وما أن ابتعدا عن المكان وجدته يقول ببروده المعهود:
_ ” حقك يخصك إن شاء الله تولعي بيه، إنما أنا حقي باخده وقتي وعليه فوايد ”
+
حقًا صعقها رده، أكان يضرب الرجل فقط لأنه أخطأ فيه هو؟!!
+
هنا صاحت بغضب:
_ ” وقف العربية بقى وانزل أنا أصلًا غلطانة أني قعدت مع واحد غريب وبارد ”
+
تأفف قائلًا:
_ ” تعرفي تسكتي، ولو معاكِ حاجة تظبط الدماغ اطلعي بيها ”
1
كادت عينيها تخرج من محاجرها وأخذت تتمتم وهي تنظر إليه :
_ ” يالهوي طلع متعاطي!!، مش بعيد يطلع مجرم، بس هو فيه مجرم قمر كدة ما كلهم جرابيع وبشوفهم كل يوم، وبعدين ده جسم واحد بتاع مخدرات؟؟، دا لو دخل هوليود هيعقد نصهم في البيت والنص التاني هيشتغلوا معاه كومبارسات، ايه الأڤورة اللي أنا فيها دي”
+
_ ” خلصتي معاكسة، طلعي جوان بقى خلينا نتسلى ”
1
_ ” نعم، دا بجد بقى! انت… انت بتشرب مخدرات وشغال في المافيا صح؟ ”
+
رد بتأكيد:
_ ” شغال في المافيا آه بس مابشربش مخدرات، مضرة بالصحة، ممكن نبيذ على خفيف، الدور والباقي على اللي دخلت الأحداث لما اتقفشت بتوزع “