_” هو انت مش فاهم ولا مصمم تتهرب… أنزّل من كرامتي أكتر من كدة ايه عشان تحس بيا وتشوفني في حياتك كزوجة مش مجرد سد خانة وتخليص ذنب!! ”
+
منذ رآها في هيئتها الجديدة وتمنى ألا تأتي تلك اللحظة، أغمض عينيه برهة يستجمع كلمات تراضيها حيث نطق في خفوت:
_” أنا آسف لو حسستك بده من غير قصدي بس انتِ أكتر واحدة عارفة قد ايه متلغبط، أنا…. ”
+
سكت بعدما فشل في إيجاد مبرر أو وصف لِما يشعر به ويدور داخله فضحكت بتهكم وانفجرت فيه بدموع:
_” انت ايه؟!! انت شخص أناني… كان ممكن ماتدخلش حياتي من الأول ولا تعلقني بيك بس اختارت تسكِّت صوت الذنب اللي في جواك بجوازك مني واهتمامك بابني ياحضرة الظابط… سابقًا ”
2
تعمدت كل كلمة نطقتها تتلاعب به بمهارة ونجحت بالفعل في حصاره لكن ما استطاع فعله أن ترجاها بإختناق:
_” بلاش تيجي منك يا جنى… خليكِ الركن اللي بيخبني من نفسي بلاش تقسي انتِ كمان عشان خاطري.. مش هقدر”
+
لم تلقي بالًا برجائه وعمتها رغبتها في الثأر لكرامتها التي تراه دعسها برفضه، غمغمت تُكمل بقسوة:
_” ضايقِتك الحقيقة!!… يمكن عشان حبي ليك منعني أواجهك بيها كل السنين اللي فاتت، كنت فاكراك هتعوضني بجد وتكون قد الرباط اللي بينا واللي انت طلبته بنفسك عشان تنسى ذنب صابر ويُتم ابنه بسببك “