+
_” أحيه هو انت طلعت السراب!! ” كان سؤال مصدوم منها بعدما رأته بالقناع، كانت صدمتها أخف من ذهوله حين سمع صوتها…
1
_” يا بنت المجانين ” هكذا هتف بدهشة وعيناه اتسعت في صدمة لا مثيل لها….
+
ثم خاطب باقي فريقه بسرعة وهو يقول:
_” عشر دقايق والضحايا يكونوا في العربية التانية، استعجلوا ”
+
أنهى أمره ونظر لها بغيظ يصرخ فيها:
_” انتِ ايه جابك هنا؟! ”
+
تخطت صدمتها وردت بجواب تائه:
_” راقبتك وجيت وراك واستغليت انك بتحط متفجرات في العربيتين اللي فرقعوا وقومت دخلت هنا واتخبيت ورا الصناديق دي على ما حملوا العيال ”
2
ثم استطردت تهزي بعدم تصديق:
_” انت ليه لابس قناع السراب انت كام واحد بالظبط؟!…. أحيه يعني مَثَلي الأعلى كان قدامي طول الوقت وأنا زي الأطرش في الزفة!! ”
4
_ ” أنت بجد كارثة وملعونة ” هكذا صرخ فيها ثم تمالك أعصابه وقال بنبرة لا تحتمل نقاش:
_” بالعقل هتتنقلي مع الولاد للشاحنة اللي هتيجي دلوقتي و “يامن” هيوصلك البيت سامعة!! ”
+
لم تفهم مقصده حتى شعرت بباب الشاحنة يُفتح من الخلف ولازالت على نفس سرعتها فسألت بصدمة:
_” احنا هنتنقل ازاي والعربية بتتحرك…. ليه ما توقفهاش ايه الهبل ده! “