+
أخذ نفسًا عميقًا وهو يهز رأسه بتفهم فتدخل أليكسي قائلًا:
_” وأنا سأكون شريكك هذه المرة، هيا لنعود ثانيةً أرض الوطن ”
1
—————–
+
_” هلالي؟… راجح ” كانت كلمات سيف وهو يدفع كتف صديقه بخفة ليفيق…
+
فُتح الباب فجأة واندفع اللواء شاكر للداخل بعدما استمع لصوته مردفًا بلهفة:
+
_” سيف حمدًا لله على السلامة، بقيت كويس؟ ”
+
أومأ سيف بهدوء ونظر للجبس بيده قائلًا بضيق:
_” كان لازم تتجبس؟! ”
+
هنا ردت روزالين التي دلفت خلف والدها مردفة بحنق:
_” مكسورة المفروض نسيبها حضرتك؟! ولا كانت هتصحى بالعافية زي ما انت واخد كل حاجة عافية!”
+
رفع سيف حاجبه ووقف يحدِّثها بأعين ضيقة:
_” قصدك ايه مش وصلاني؟، متعصبة عليا بمناسبة ايه؟! ”
+
اقتربت صارخة في وجهه بأعين دامعة:
_ ” متعصبة عشان انت غبي يا سيف وكان أغبى قرار إنك تقود فريق ”
+
تفاجأ من هجومها وابتسم ساخرًا وهو يرد ببرود:
_” اللي مابتفهميش فيه ماتتكلميش فيه، وخلي علاقتنا مع بعض وِدِّية عشان مش من مصلحتك تعاديني ”
+
ضحكت بسخرية وتلفظت من أسفل أسنانها:
_” ماحدش غيرك بيفهم صح؟! ”
+
ثم أشارت لراجح وهي تضيف:
_” شابو لفهمك ونتايجه؟ واحد واخد طلقة على بعد كام سنتي من الكبد والتاني فاقد الإحساس بكل اللي حواليه ومش عارفين نفوقه من المخدر المجهول اللي واخده،… ولا يمكن نسيت شريف؟! اللي راح ضحية ثقتك المزيفة بشغلك وقدراتك”