+
تحدثت بصوت مرتجف بالكاد يسمعه عبر الهاتف:
_” عادي، عمري ماهمني مصيري، مش عارف انت قد الأمانة ولا لأ بس مفيش قدامي غيرك، هبعتلك مكان الورق و…. ”
+
صمتت فجأة وسألت بخفوت:
_” هو انت يهمك أمري؟! ”
+
فاجأه سؤالها وانعزل بها بعيدًا عن كل ما يدور حولهما ومشاعر غريبة وغير مفهومة استحوذته، طال صمته فابتسمت بسخرية وهي تقول بتقبل:
_ ” معلش سؤال غبي من واحدة أغبى، من امتى حد بيهمه نور!!، أنا المنبوذة زي ما كانوا بيقولوا، اه البنت الوحيدة لعارف الديب اللي هو ماكانش عارف عنها حاجة أصلًا، البنت اللي خالها كان بيحضرلها اجتماعات أولياء الأمور وأبوها وأمها على وش الدنيا، و استدعاءات ولي الأمر بتكون من نصيب حازم اللي كان بيدافع عني مقدمًا من قبل ما يفهم حجم المصيبة اللي عملتها، لحد ما هو كمان سابني، تخيل ده كمان خطفوه مني… كان لازم أمثل القوة عشانه وعشان أنا كبرت، حتى لو بعقل متشعلق باللاشيء عشان يرضي قلب مش موجود أساسًا، كان لازم أحارب في معركة أنا أضعف فرد فيها ومع ذلك ماحدش رحمني، في الحرب الدين حرّم قتل الطفل والست والعجوز، وأنا اطعنت طفولتي وانداست أنوثتي وعجّزت بدري وبرضو الكل مسلط سكاكينه عليا”
1