+
فأومأ برأسه كأنها تراه وأردف بنفاذ صبر:
_” نور؟ ”
+
_” نعم يا قلب نور ”
+
_” جربي تستحملي يومين من غير قتل لحد ما أرجع، دلوقتي اسمعيني كويس لازم تنفذي اتفاقنا وتتواصل مع نرجس وتعرفي منها اي حاجة عن أخوكِ ماينفعش تفضلي اكتر من كدة في مصر”
+
زفرت وصاحت فيه بحنق:
_” ماتدنيش أوامر وتداري على فضيحتك، بقى راجل طول بعرض وشغال قناص في أكبر مافيا في العالم ومش عارف توفر لأم العيال كام طلقة تتسلى بيهم، اخص على الراجل البخيل! ”
+
انفجر أليكسي في الضحك وهو يتسلى بمجادلتهم بينما كاد الآخر يغلق الهاتف ويتخلص من لسانها وكم الاستفزاز التي تبعثه فيه لكن فجأة… صرخت بفزع غير مسبوق جعل الدم يتجمد بعروقه، فصاح:
_” فيه ايه؟! أقسم بالله لو طلع مقلب يا بنت الديب ما مخلوق هيخلصك مني ”
+
سمع صوت تخبيط مرتفع وفوضى خارجة من الهاتف ثم صوتها المهزوز:
_” فيه حد بيحاول يكسر باب الشقة ”
+
صمت للحظة يستوعب ما يحدث ثم قال بنبرة شبه هادئة لكن سريعة:
_” اهدي، ادخلي الأوضة اللي فيها بلكونة و…. ”
+
بتر باقي جملته تزامنًا مع صرختها التي خرجت مع تكسير باب السكن، ركضت للداخل قبل أن ترى الفاعل…
+
وسنايبر يُلقي أوامره مع نظرته لأليكسي الذي فهم عليه سريعًا: