_” يابنتي ده حرف الألف مش عارفة تقولي أَ ؟ افتحي بوقك وانطقي وانتِ بتخرجي نفس قصير كدة يلا ”
+
تجاهلتها بتول واستمرت تُحرك حبل الطائرة الورقية بيدها و تبتسم بحماس وشغف كأنها عادت لسن السابعة ولم تكترث بغضب منة كعادتها خلال كل الجلسات الماضية،
+
وصلت لآخر صبرها فوقفت عن الأريكة واقتربت من بتول الملتصقة بسور السطح تهمس لها بغيظ مكتوم:
_” لأ بقى دا انتِ مُصرة ما تتكلميش، ايه حابة تكسبي تعاطف سيف؟! بُصي يا بت كُهن الحريم ده أنا شارباه وشبعان من ريحته واللي بشوفه في عينيكِ لسيف شيليه بدل ما أخزقهملك؟! ”
+
استنشقت بتول نفسًا عميقًا ولفت الخيط على يدها وصححت لها بخفوت:
_” عز ”
+
رفعت منة حاجبها وصمتت لحظات قبل أن تسأل بخبث:
_” اشمعنى عز؟! يطلع مين بسلامته؟! صارحيني وليكِ عليا أفهمك اللي انتِ عايزاه ”
+
نظرت لها بتردد تستشف الراحة نحوها لكن لم تترك لها الخبيثة فرصة وجذبتها وهي تُخرج هاتفها بعدما اطمئنت من عدم انتباه سلمى وقالت بتشجيع:
_” اكتبي عايزة تقولي ايه وأنا معاكِ في أي حاجة، أنا عايزة أساعدك وأقدر أساعدك”
+
حيرة بتول وتخبطها هيَّأ لها أن منة بالفعل هي الشخص المناسب خاصة وسلمى قد بعدت عنها ولم تعد تٌحدثها أو تهتم لوجودها بل أصبحت تنظر لها بغضب وكره تجهل سببه،