+
كل صديق تحامل على أوجاعه وجلس في جهة وكما الإخوة الحقيقية طالعوه بحنان واضح ليُبادر سيف بمرح:
_” ايه يا عريس هو كل ما واحد فرحه هيقرب هيتوكل على الله ويقطع تذكرة للآخرة طب وربنا كدة ما متجوز ولا انت ايه رأيك يا هلالي؟!”
1
ابتسم راجح بهمٍ على تلك الكوميديا السوداء التي يتظاهر بها سيف وقال مسايرًا بنفس الطريقة:
_” عن نفسي مش هفكر أصلًا ياما المرة اللي فاتت ”
+
ضحك سيف بخفوت وقال:
_” على رأيك دا أنا بنت خالتي اللي اتقدمتلها شفقة قالتلي لا أقبل ولسة عايش عادي ”
+
_” متخزوقين يعني؟ ” صدمهم بكر بذلك الصوت الساخر لتتسع عينيهما بفرحة لم تمنع يد راجح التي سلمت على وجهه وهو يقول:
_” لسان أهلك كافر ومصيري أقطعه ”
+
تأوه بكر بحنق وهو يفتح عينيه المتعبة وسأل بتشوش:
_” ايه اللي حصل؟! ”
+
زفر راجح و عبر عن ضيقه:
_” احنا برضوا اللي هنعرف حصل ايه؟ واحد ساعة ماعرف يتواصل معانا في نص المصيبة قعد يودعنا، ياخي وربنا لولا تعبي لكنت جلدتك جلدة الواد بتاع إعدادي الممسوك بسجاير ”
+
استكمل سيف بغيظ:
_” قلبت المهمة جنازة يا شهيد الندامة وبتسمعني وصيتك؟!، هو أنا كنت ناقص تلبيشة”
+
ناظرهم بكر بإحراج وصاح بحنق:
_” خلاص يا حسيس منك ليه، كنت هعمل ايه يعني بعد ما حقنوني في رقبتي على غفلة، ماحسيتش بجسمي بعدها، روحي بدأت تتسحب وسيناريو حياتي جري قدامي زي شريط أبيض واسود، صعب قوي تلاقي الورقة بتتسحب منك وانت مش عارف حليت اللي ينجحك ولا هتسقط، حسيت برعب رغم إني كنت بحارب عشان وطني وأهلي وجاي أنقذ أرواح ولو مت هبقى شهيد زي ما ربنا وعد ، مش متخيل احساس القاتل والسارق والعاق والظالم والزاني وألف مذنب ممكن وقت امتحانه يخلص وهو على ذنبه، هلاااك “