_” أصلها ناقصة فضايح؟! مسك ايه وقهر ايه دلوقتي؟! فوق يا واقع ”
+
مرت ثواني أخرى قبل أن…
+
_” سيف؟ ” قالها وقد فتح عينيه قليلًا فطالعه الآخر بإبتسامة متعبة قائلًا بمزاح ممزوج بالإرهاق:
_” ياخي قوم بقى طلعتوا ميتين سيف ”
+
تأوه راجح مرة أخرى وهو يحاول الإعتدال مستندًا على كتف رفيقه الذي هتف بحنق:
_” ماتضغطش قوي كدة جتتي مافيهاش حتة سليمة،… حاسس بإيه؟! ”
+
تنفس راجح بعمق ورد بهدوء:
_” موجوع شوية…. فين بكر؟! مشوفتهوش من لمّا ركبنا في العربية وكان فاقد الوعي وبعدها أنا كمان دوخت وماشوفتش نفسي”
+
تدخل شاكر يطمئن عليه وأجابه بنبرة هادئة:
_” لسة نايم بس مفيهوش حاجة، تحت تأثير مخدر قوي مش أكتر، التحاليل طمنتنا مش كدة يا روزالين؟ ”
+
لم تجب والدها بل نظرت لسيف بغضب ثم لراجح بجمود قائلة:
_” حمدًا على سلامتك يا بطل، ياريت تحاول تتحرك شوية مش متعودين على رقدتك ”
+
أنهت كلامها وخرجت دافعة الباب بقوة أثارت استغراب راجح لكن لم يُعلق بل أنزل قدميه للأرض وقال:
_” هو موجود في فين؟! ”
+
بعد دقائق كان سيف وراجح يدلفان لغرفة بكر بمساعدة فارس ليضمئنوا على ضلعهم الثالث، السارح في ملكوت وحده وروزالين تنزع عنه إبرة المحلول وخرجت….